fbpx

لاہور: فون پر نکاح ،شوہر نے فرانس سے واپس آتے ہی بیوی کو قتل کر دیا

لاہور : کاہنہ میں فرانس سے واپس آنے والے نوجوان نے اپنی بیوی کو قتل کر دیا –

باغی ٹی وی : میڈیا رپورٹ کے مطابق لاہور کے علاقے کاہنہ میں 25 سالہ ناز کی تدفین کی جارہی تھی کہ کسی کی شکایت پرپولیس نے موقع پر پہنچ کر، لاش تحویل میں لے لی بعد ازاں مقتولہ کے سسر نے انکشاف کیا کہ بیٹے نے بہو کو قتل کیا ہے۔

پولیس کا کہنا ہے کہ مقتولہ ناز کا نکاح فون پر عبدالصمد کے ساتھ ہوا تھا، ملزم چند روز قبل فرانس سے واپس آیا اور بیوی کو قتل کر دیا-

پولیس کے مطابق ملزم عبدالصمد کی بہن مقتولہ ناز کی بھابھی یعنی مقتولہ کے بھائی کی شریک حیات ہے قتل کی وجوہات کیا تھیں تا حال معلوم نہیں ہو سکا-

پولیس کا کہنا ہے کہ ملزم کی گرفتاری کے بعد ہی قتل کی وجوہات کا تعین ہوسکے گا-

جواب چھوڑیں

آپ کا ای میل ایڈریس شائع نہیں کیا جائے گا.