کراچی :پی آئی اے نے دوحہ کے لیے خصوصی پروازوں کا اعلان کردیا،اطلاعات کے مطابق قومی ایئر لائن پی آئی اے کا اپنے ہم وطنوں کے لئے دوحہ کے لئے خصوصی پروازیں چلانے کا اعلان کرکے پاکستانیوں کے لیے خوشی کا پیغام بھی جاری کردیا ہے
پی آئی اے کے ترجمان کی طرف سے اس حوالے سے کہاگیا ہے کہ خلیج کی ایئر لائنز کی جانب کرونا کی وجہ سے پاکستان کے لئے کم پروازیں ہونے کے سبب قومی ایئر لائن پی آئی اے نے اپنے ہم وطنوں کی سہو لت کے لئے اسلام آباد تا دوحہ اور واپسی کے لئے خصوصی پروازیں چلانے کا اعلان کیا ہے
ترجمان کی طرف سے جاری اطلاعات میں کہا گیا ہے کہ پی آئی اے 5 جولائی اور 12 جولائی کو اسلام آباد سے دوحہ کے لئے دو خصوصی پروازیں چلائے گی ۔
اس کے ساتھ ساتھ پی آئی اے دوحہ تا اسلام آباد کے لئے دو خصوصی پروازیں 6 جولائی اور 13 جولائی کو چلائی جائیں گی ۔
ترجمان پی آئی اے کا کہنا ہے کہ رش سے بچنے کیلئے مسافروں سے گزارش ہے کہ جلد از جلد اپنے سفر کے لئے بکنگ کروا لیں ۔ترجمان کا مزید کہنا تھا کہ ٹکٹس کی بکنگ اور فروخت پہلے آئیں اور پہلے پائیں کی بنیاد پر دستیياب ہونگے ۔
