پی آئی اے انتظامیہ نے فضائی میزبانوں کے ڈیوٹی ٹائمنگ میں مزید دو گھنٹے کا اضافہ کر دیا ہے.
اطلاعات کے مطابق پی آئی اے انتظامیہ نے فضائی میزبانوں کے ڈیوٹی ٹائمنگ میں مزید دو گھنٹے کا اضافہ کر دیا ہے اور اب فضائی میزبانوں کیلئے 16 گھنٹے کی ڈیوٹی لازمی قرار دے دی گئی ہے.
سی اے اے کی ہدایت پر پی آئی اے کے سیفٹی بلیٹن نے احکامات جاری کر دیئے ہیں اور پی آئی اے انتظامیہ کے مطابق فضائی میزبانوں کی مہینے میں 8 کے بجائے 5 چھٹیاں کردی گئیں ہیں. فضائی میزبان ہفتہ وار چھٹی کے علاوہ ایک اضافی چھٹی مہینے میں کبھی بھی کرسکتے ہیں جبکہ مستقل پروازوں کے باعث ہفتہ وار تعطیل رہ جانے پر عملے کو واپس آنے پر ہوم بیس چھٹی دی جائے گی.
اسکے علاوہ فضائی میزبان دو راتوں سے زیادہ رات 10 سے صبح 6 بجے کے درمیان ڈیوٹیاں انجام نہیں دے سکتا ہے متعین کیے گئے وقت پر فضائی میزبان کو کسی وقفے کے بغیر ڈیوٹی کے لیئے دستیاب ہونا لازمی قرار دیا گیا ہے۔
پی آئی اے انتظامیہ کاکہنا ہے کہ: عملے کو ہوائی اڈے کی اسٹینڈ بائی ڈیوٹی کے لیے 6 گھنٹے موجود رہنا ہوگا، گھر پر موجود کیبن کریو عملے کو 12 گھنٹے اسٹینڈ بائی رہنے کی ہدایت کی گئی ہے جبکہ ائیرپورٹس پر اسٹینڈ بائی ڈیوٹی کرنے والوں کو معاوضہ دیا جائے گا۔
جبکہ ذرائع بتاتے ہیں کہ: قومی ائیر لائن کے اس فیصلے سے فضائی میزبان ذہنی دباوُ کا شکار ہیں اور ادارے سے فیصلے پر نظر ثانی کی درخواست کرنے کا ارادہ رکھتے ہیں۔ کیونکہ اس طرح مسلسل سولہ گھنٹے ڈیوٹی دینا بہت مشکل ہے، اور اس سے انسان ذہنی طور پر کافی ڈسٹرب ہوتا ہے. لہذا فضائی میزبانوں کو خیال ہے انتظامیہ کو اس فیصلہ پر نظرثانی کری چاہئے تاکہ ہمیں زہبی دباؤ سے بچایا جائے.
