پی آئی اے پروازیں غیرمعمولی تاخیر کا شکار ،مسافر انتظار کی مشکلات سے دوچار

خاص طور پر سعودی عرب سے آنے والے عمرہ زائرین 12 گھنٹے سے زائد وقت ائیرپورٹس پر گزارنے کی وجہ سے شدید تکلیف سے دوچار ہیں
0
48
PIA

قومی ائیر لائن پی آئی اے کی قومی اور بین الاقوامی پروازوں کا شیڈول بری طرح متاثر ، کئی پروازیں غیرمعمولی تاخیر کا شکار ہو گئیں۔

باغی ٹی وی : باخبر ذرائع کے مطابق پاکستان انٹرنیشنل ائیر لائنز (پی آئی اے) کی قومی اور بین الاقوامی پروازیں تاخیر کا شکار ہو گئیں جدہ سے اسلام آباد کیلئے پی آئی اے کی پرواز میں 9 گھنٹے سے زائد کی تاخیر ہوئی، پی آئی اے کی پرواز پی کے 760 جدہ سے اسلام آباد کیلئے دوپہر 12 بجے روانہ ہونے کے بجائے رات 9 بج کر 11 منٹ پر روانہ ہوئی جبکہ پرواز نے شام 7 بجے اسلام آباد پہنچنے کی بجائے ساڑھے 3 بجے صبح لینڈ کیا۔

اسی طرح جدہ سے لاہور کیلئے پرواز پی کے 762 کی روانگی 5 گھنٹے جبکہ جدہ سے لاہور کیلئے دوسری پرواز پی کے 742 کی روانگی میں بھی ساڑھے 4 گھنٹے کی تاخیر ہوئی ریاض سے لاہور کیلئے پی آئی اے کی پرواز پی کے 726 کی روانگی میں 4 گھنٹے 20 منٹ، شارجہ سے لاہور کیلئے پی کے 186 کی روانگی میں 5 گھنٹے 27 منٹ کی تاخیر ہوئی۔

21 سال سے کم عمر گھریلو ملازم رکھنے پر پابندی

پی آئی اے کی مدینہ سے کراچی کیلئے پرواز پی کے 744 کی روانگی میں 10 گھنٹے جبکہ مدینہ سے لاہور کی پرواز میں بھی ساڑھے 5 گھنٹے ،دبئی سے کراچی کیلئے پی آئی اے کی پرواز پی کے 714 دو گھنٹے جبکہ ٹورنٹو سے لاہور کی پرواز پی کے 798 کی روانگی میں بھی دو گھنٹے تاخیر ہوئی اسی طرح کوئٹہ سے کراچی کی پرواز پی کے 311 کی روانگی میں ساڑھے تین گھنٹے، لاہور سے کراچی کی پرواز کو ساڑھے 4 گھنٹے تاخیر ہوئی-

نواز شریف کی لندن سے سعودی عرب روانگی میں تاخیر

Leave a reply