اسلام آباد:پی آئی اے انتظامیہ کی جانب سے وفاقی وزیر ہوا بازی خواجہ سعد رفیق کو نئے جہازوں اور پروڈکٹ کو بہتر بنانے سے متعلق بریفنگ دی گئی ہے جس میں پی آئی اے کو جدید عالمی تقاضوں کے مطابق آپریٹ کرنے کے متعلق اہم مشاورت کی گئی
یہ بھی معلوم ہوا ہے کہ اس موقع ہر وفاقی وزیرہوا بازی خواجہ سعد رفیق کو بتایا گیا کہ پی آئی اے اپنے بیڑے میں شامل 5 ائیربس 320 طیاروں کی پرانی نشستوں کو نئی، کشادہ اور آرام دہ نشستوں سے تبدیل کرے گا
خواجہ سعد رفیق کی طرف سے پی آئی اے کی انتظامیہ کو نئی نشستوں کی تبدیلی کا عمل ترجیحی بنیادوں پر 4 ماہ کے اندر مکمل کرنے کی ہدایات جاری کردی گئی ہیں
پی آئی اے کے دو طیارے تصادم سے بچ گئے
وفاقی وزیر ہوابازی خواجہ سعد رفیق نے یہ بھی ہدایت کی کہ پی آئی اے کا کینیڈا آپریٹ کرنے والے خصوصی777 لانگ رینج طیاروں کی نشستوں کو بھی تبدیل کیا جائے،ان طیاروں میں دوران پرواز انٹرٹینمنٹ سسٹم کی فعالی اور بہتری کی اصولی منظوری دے دی گئی
پاکستان ریلوے اور پی آئی اے کے کرایوں میں کمی کا اعلان
وفاقی وزیرکو بتایا گیا کہ نشستوں اور انٹرٹینمنٹ کے ضمن میں فنڈز کا بندوبست کردیا گیا ہے اور منصوبے کو فاسٹ ٹریک پر مکمل کیا جائے گا
اس موقع پر وفاقی وزیرہوابازی خواجہ سعد رفیق کی طرف سے پی آئی اے کے بیڑے میں دوران پرواز لوکل انٹرنیٹ کنکشن مہیا کرنے کے منصوبے پر بھی کام شروع کرنے کی ہدایات جاری کی گئیں
پی آئی اے کا ایک اور فضائی میزبان کینیڈا میں غائب
وفاقی وزیرکو بتایا گیاکہ رواں سال میں پی آئی اے کے بیڑے میں 4 ائیربس 320 طیاروں کا اضافہ کیا جائیگا ،ان میں سے دو طیارے پی آئی اے کے بیڑے کا حصہ بن چکے ہیں جبکہ 2 مزید طیارے اگست میں بیڑے میں شامل ہوں گے
