وزیراعظم عمران خان نے پاک فوج کا تربیتی طیارہ گرنے کے واقعہ پر حادثے میں 19 افراد کے جاں بحق ہونے پر افسوس کا اظہار کیا ہے
بند کمروں میں ہونیوالے واقعات کی حقیقت؟ باغی ٹی وی اور کھرا سچ لا رہے ہیں انکشافات سے بھرپورویڈیو سیریز
باغی ٹی وی کی رپورٹ کے مطابق وزیراعظم عمران خان نے راولپنڈی کے علاقے بحریہ ٹاؤن فیز 7 میں پاک فوج کا تربیتی طیارہ گرنے کے واقعہ میں پاک فوج کے جوانوں سمیت 19 افراد کے جاں بحق ہونے پر گہرے رنج و غم کا اظہار کیا ہے، وزیراعظم عمران خان نے راولپنڈی طیارہ حادثہ میں زخمی افراد کی صحت یابی کے لئے بھی دعا کی ہے،
واضح رہے کہ راولپنڈی کے علاقے بحریہ ٹاؤن فیز 7 میں پاک فوج کا تربیتی طیارہ گر گیا ہے، طیارہ گرنے سے 3 مکان آگ لگنے سے جل گئے، حادثے میں 2 پائلٹس، عملے کے تین اراکین سمیت انیس افراد جاں بحق ہو گئے،
پاک فوج کے شعبہ تعلقات عامہ، ڈی جی آئی ایس پی آر کے مطابق رمی ایوی ایشن کا طیارہ کریش لینڈنگ کے دوران گر کر تباہ ہوا جس میں سوار 2 پائلٹس اور عملے کے 3 ارکان شہید ہو گئے، شہید ہونے والوں میں لیٖفٹننٹ کرنل ثاقب وسیم، نائب صوبیدار افضل، حوالدار ابن امین اور رحمت شامل ہیں۔
