سائبر ماہرین نے خبردار کیا ہے کہ گلابی رنگ میں واٹس ایپ تبدیل کرنے کا دعویٰ کرنے والا لنک ایک وائرس ہے جوآپ کے موبائل فون کو ہیک کر سکتا ہے۔
باغی ٹی وی :غیرملکی ٹیکنالوجی ویب سائٹ 360 گیجٹس کی رپورٹ کے مطابق ایک ایسا لنک گردش کر رہا ہے جس میں واٹس ایپ کا رنگ گلابی کرنے کا دعویٰ کیا گیا ہے، سائبر ماہرین کا کہنا ہے کہ اس سے خبردار رہیں، یہ وائرس ہے اور یہ آپ کے موبائل فون کو ہیک کر سکتا ہے۔
WhatsApp Pink, a malicious app, is in circulation that could steal your data once installed and allow hackers to gain access to your phonehttps://t.co/ND7DaQiDNI pic.twitter.com/i5SJ9lG0wR
— Gadgets 360 (@Gadgets360) April 19, 2021
سائبر ماہرین نے واٹس ایپ صارفین کوخبردار کیا ہے کہ واٹس ایپ سے آفیشل اپ ڈیٹ ہونے کا دعویٰ کرنے والے اس لنک پر کلک کرنے سے صارفین کا فون ہیک ہو جائے گا اور وہ اپنے واٹس ایپ تک رسائی سے محروم ہو جائیں گے۔
یہ ڈاؤن لوڈ لنک واٹس ایپ گروپس میں گردش کر رہا ہے 360 گیجٹس کے مطابق سائبر سیکیورٹی کے ایک ماہر راج شیکھر راجہ ہریا نے کہا کہ واٹس ایپ پنک کے نام کے ساتھ کسی بھی لنک پر کلک نہ کریں، ورنہ آپ کے فون تک مکمل رسائی ختم ہو جائے گی اور ایسے لنک پر کلک کرنے سے آپ کے بینکنگ پاس ورڈ پر قبضہ اور پھر اکاؤنٹ سے چوری بھی ہو سکتی ہے۔
واٹس ایپ کے صارفین بھی یہ نقصان دہ لنک شیئر کر رہے ہیں اس لیے سائبر انٹیلی جنس فرم نے صارفین کو سختی سے مشورہ دیا ہے کہ وہ گوگل یا ایپل کے آفیشل ایپ اسٹور کے علاوہ کسی بھی ایپ کو انسٹال نہ کریں۔
سائبر ماہرین کا کہنا ہے کہ غلط ایپ کا استعمال کر کے دراصل آپ اپنے فون پر سمجھوتا کرتے ہیں اور آپ کے ذاتی ڈیٹا جیسے تصاویر، ایس ایم ایس، اور رابطوں وغیرہ کو چوری کیا جا سکتا ہے جبکہ کی بورڈ پر مبنی میل ویئر آپ کی ٹائپنگ کی ہر چیز کو ٹریک کرنے کے لیے استعمال کیا جا سکتا ہے-
دوسری جانب واٹس ایپ نے گیجٹس 360 کوجاری ایک بیان میں کہا ، "ای میل سمیت کسی بھی قسم کی سروس میں کوئی بھی غیر معمولی ، غیر اخلاقی یا مشکوک پیغام موصول ہو سکتا ہے اور جب کبھی بھی ہوتا ہے تو ہم صارف کی مکمل رہنمائی کرتے ہیں۔” خاص طور پر ، ہم یہ بھی مشورہ دیتے ہیں کہ لوگ ایپ کے اندر فراہم کردہ ان ٹولز کا استعمال ہمیں رپورٹ بھیجنے ، رابطہ کی اطلاع دینے یا بلاک کانٹیکٹس بلاک کرنے کے لیے استعمال کرے-
واضح رہے کہ یہ پہلا موقع نہیں جب جعلی واٹس ایپ ورژن چل رہا ہو۔ ماضی میں ، صارفین پر واٹس ایپ گولڈ کی مختلف قسم نے حملہ کیا تھا جسے کچھ ہیکرز نے صارف کے اعداد و شمارحاصل کرنے کے لئے تشکیل دیا تھا۔
