پیاری ماں بقلم:جویریہ بتول

پیاری ماں…!!!
[بقلم:جویریہ بتول]۔
تو عزم کا ہے کارواں…
اے میری پیاری ماں…
محبّت کا دریا تیرے…
دل میں رواں دواں…
عفو کے موتیوں سے…
سجا ہوا کوہ گراں…
برداشت کے قیمتی ہیرے…
تری رہ کا ہے سامان…
اضطراب کی موجیں…
ترے اندر نغمہ خواں…
بےکلی و چاہت میں…
تو ہے ہر دم عیاں…
ترے مرتبہ کو کیا ہے…
رب نے کیا خوب بیاں…؟
احادیث کے پھول کھلے…
بزبانِ رحمت دو جہاں…
ترے عصا کی ٹیک میں…
نظر آئے مجھے عزم جواں…
ترے آہستہ آہستہ قدم…
اٹھتے رہتے ہیں جو ہر دَم…
تری بے لوث جذبے کا رنگ…
یقین بنائے مرا گماں…
مری جوانی جہاں ہار جائے…
رہ گزر بن خار جائے…
ترے حوصلوں کا شکریہ…
جو بن جاتے ہیں ٹھنڈی اماں…
جِلا کر جو سوئے ولولے…
جگا کر دل کے ارمان…
جیت کر ہارے حوصلے…
ہو جاتی ہیں مشکلیں آساں…
دعاؤں کے برس کر پھول…
مٹا ڈالیں سبھی دھول…
ہر سو سبزہ سا اُگے…
یہ زندگی بن جائے گلستاں…
ماں اے ماں،میری پیاری ماں…!!!
=============================
[جویریات ادبیات]۔
¤¤¤¤¤¤¤¤¤¤¤¤¤¤¤¤¤¤¤¤¤¤