وفاقی پولیس نے پیزا ڈیلیوری بوائے کو جنسی زیادتی کا نشانہ بنانے والے دو ملزمان کو گرفتار کرلیا ہے
اسلام آباد پولیس نے آئی جی ڈاکٹر اکبر ناصر خان کی ہدایت پر عمل کرتے ہوئے پیزا ڈیلیوری بوائے سے جنسی زیادتی کرنے والے ملزمان کو گرفتار کرلیا۔
پولیس اعلامیہ کے مطاابق: تھانہ کورال کی حدود میں پیزا ڈیلیوری بوائے سے زیادتی کے واقعہ میں ملوث دو ملزمان احمد بوبی اور اس کا ساتھی عدنان کو گرفتار کرلیا گیا۔
پولیس نے دعوی کیا: ملزمان سے اسلحہ بھی برآمد کیا گیا ہے۔
تھانہ کورال کی حدود میں پیزا ڈیلیوری بوائے سے زیادتی کا معاملہ۔
واقعہ میں ملوث دو ملزمان احمد بوبی اور اس کا ساتھی عدنان گرفتار۔ملزمان سے اسلحہ بھی برآمد کرلیا گیا۔ملزمان نے پیزا ڈیلیوری بوائے سے زیادتی کی تھی۔ملزمان کے خلاف تھانہ کورال میں مقدمہ درج ہے۔
1/2#ICTP #OPS— Islamabad Police (@ICT_Police) July 13, 2022
ملزمان نے گزشتہ روز تھانہ کورال کی حدود میں پیزا ڈیلیوری بوائے کو جنسی زیادتی کا نشانہ بنایا تھا۔
مزید پڑھیں : پیزا ڈیلیوری بوائے کیساتھ مبینہ زیادتی، مقدمہ درج
واقعے کی اطلاع ہونے پر انسپکٹر جنرل اسلام آباد پولیس ڈاکٹر اکبر ناصر خاں نے نوٹس لیتے ہوئے ایس پی رورل زون کو جلد از جلد ملزمان کو گرفتار کرنے کا حکم دیا تھا۔
