طیارہ حادثہ: لواحقین کی ارشد ملک سے ملاقات:کیابات ہوئی ،حقیقت کھل کرسامنے آگئی

کراچی:طیارہ حادثہ: لواحقین کی ارشد ملک سے ملاقات:کیابات ہوئی ،حقیقت کھل کرسامنے آگئی،اطلاعات کے مطابق سی ای او پی آئی اے ایئر مارشل ارشد ملک نے طیارہ حادثے میں جاں بحق افراد کے لواحقین سے ‎بالمشافہ ملاقات کی ہے۔

تفصیلات کے مطابق طیارہ حادثہ کے لواحقین کے ساتھ ملاقات اور اجلاس پی آئی اے ٹریننگ سینٹر میں منعقد ہوا، ‎بالمشافہ اجلاس پی آئی اے انتظامیہ کی جانب سے لواحقین کے ساتھ مسلسل رابطے کی ایک کڑی ہے، ‎اس سے قبل بھی کرونا کے باعث آن لائن اجلاس منعقد کیے جاتے رہے ہیں۔

‎اجلاس میں سی ای او پی آئی اے نے طیارے حادثے کے بعد سے اب تک کے اقدامات پر متفصل بریفنگ دی، اس کے علاوہ ملاقات میں جاں بحق افراد ‎کے بچے ہوئے سامان کی حوالگی، انشورنس کلیم کی رقم کو ایک کروڑ سے بڑھا کر پانچ کروڑ کرنے کے معاملے اور ماہانہ رقم پر سی ای او کے ساتھ میٹنگ پر بات چیت ہوئی۔

اس موقع پر سی ای او پی آئی اے نے کہا کہ ‎وفاقی حکومت اور وزیر ہوابازی کی خصوصی ہدایات پر زمین پر ہونے والے نقصانات کی ادائیگی کردی گئی ہے، ‎لواحقین جلد از جلد جانشینی سرٹیفیکیٹ جمع کروائیں تاکہ انشورنس کی ادائیگی بھی کی جاسکے۔

ملاقات میں ‎کچھ لواحقین کی جانب سے مطلوبہ دستاویزات کلیم کی رقم بڑھانے سے قبل جمع کروانے سے انکار کیا ، جس پر سی ای او ارشد ملک نے کہا کہ ،‎پی آئی اے انتظامیہ کلیم کی رقم میں اضافہ کیلئے انشورنس کمپنی سے دوبارہ بات کرے گی ، ‎پی آئی اے لواحقین کے ساتھ کھڑی ہے ہم آپکے مفادات کیلئے پوری کوشش کریں گے، ‎پی آئی اے تمام ملکی قوانین کا احترام کرے گی مگر دستاویزی ضابطے پورے کئے جائیں گے۔