ننکانہ :کلین اینڈ گرین پاکستان شجرکاری مہم کا آغازجوڈیشل کمپلیکس سے کر دیا گیا

ننکانہ صاحب باغی ٹی وی(نامہ نگار احسان اللہ ایاز)کلین اینڈ گرین پاکستان شجرکاری مہم کا آغازجوڈیشل کمپلیکس کر دیا گیا
تفصیل کے مطابق چیف جسٹس لاہور ہائی کورٹ لاہور کی خصوصی ہدائیت پر کلین اینڈ گرین پاکستان شجر کاری مہم کے سلسلے میں ڈسٹرکٹ عدلیہ ننکانہ صاحب نے جوڈیشل کمپیلس میں شجر کاری مہم کا آغاز کردیا ہے ڈسٹرکٹ اینڈ سیشن جج جناب محمد ذوالفقار لون صاحب ،ایڈیشنل سیشن ججز اعجاز احمد بوسال صاحب ،ہماء عنبرین صاحبہ،اظہر اقبال رانجھا صاحب، محمد ابوبکر صدیق صاحب،سینئر سول ججز(سول ڈویژن)جناب مصنف علی جوئیہ صاحب ،(کریمنل ڈویژن)سید نصیر عباس صاحب،(فیملی ڈویژن) زرتاشیہ نواز صاحبہ،سٹاف آفیسر ڈسٹرکٹ سیشن جناب واجدعلی گجر صاحب سول ججز احمد مجتبیٰ نور فاروقی صاحب ،گل نسرین صاحبہ ،ہماء الطاف صاحبہ ،لبنی صغیر صاحبہ ،محمد احمد قادری صاحب ،سہیل محمود صاحب اور دیگر عدالتی افسران نے سیشن کورٹ کمپلیس میں پودے لگا کر شجر کاری مہم کا باقاعدہ آغاز کیا،اس موقع پر ملکی ترقی وسلامتی اور کلین گرین پاکستان مہم کی کامیابی کیلئے خصوصی دعا کی گئی اس موقع پر ڈسٹر کٹ اینڈ سیشن جج محمد ذوالفقار لون صاحب کا کہنا تھا کہ پودے لگانہ صدقہ جاریہ ہے اسلام نے بھی ہمیں زیادہ سے زیادہ سایہ دار درخت لگانے کا درس دیا ہے درختوں سے ایک طرف انسانی زندگی پر بڑے خوشگوار اثرات مرتب ہوتے ہیں تو دوسری طرف یہ ماحولیاتی آلودگی کے خاتمہ کا بھی سبب بنتے ہیں ہر شہری کو چاہئے کہ شجرکاری مہم میں بڑھ چڑھ کر حصہ لے تاکہ پاکستان کو ماحولیاتی آلودگی کے حوالہ سے جن مسائل کا سامنا ہے ان پر قابو پایا جاسکے کیونکہ یہ ہماری اجتماعی زندگیوں کے ساتھ ساتھ آنے والی نسلوں کے لیے بھی انتہائی ضروری ہے