اسلام آباد : مسلم لیگ کے سینئیر رہنما اورسابق وزیر اعظم شاہد خاقان عباسی نے کہا ہے کہ فوری انتخابات ملک کی ضرورت ہیں ملکی معاملات آئین کے مطابق نہیں چل رہے۔
باغی ٹی وی : شاہد خاقان عباسی نے نجی ٹی وی کے پروگرام میں گفتگو کرتے ہوئے کہا کہ وزیر اعظم حکومت کو شخصی طور پر چلا رہے ہیں حساس معاملات کو پبلک میں نہیں لاناچاہیے۔
سابق وزیراعظم نے کہا کہ اداروں کے درمیان محاذ آرائی سے ملک کو نقصان ہوتا ہے اس لیے حکومت کو ادارے کے ساتھ مشاورت سے معاملات حل کرنے چاہیئیں۔
عوام کو ریلیف دئیے بغیر مستحکم حکومت کا خواب پورا نہیں ہوسکتا: چودھری پرویزالٰہی
شاہد خاقان عباسی نے کہا کہ اگر وزیر اعظم چاہیں تو انتخابات کسی بھی وقت ہو سکتے ہیں اور ہمارا مطالبہ ہے کہ فوری انتخابات ملک کی ضرورت ہیں ہمیں پتہ ہونا چاہیے کہ ملکی معاملات آئین کے مطابق نہیں چل رہے۔
اس سے قبل قائم مقام گورنر پنجاب چودھری پرویزالٰہی سے صوبائی وزیر ایکسائز اینڈ ٹیکسیشن حافظ ممتاز احمد اور سابق صوبائی وزیر دلدار چیمہ نے یہاں گورنر ہاؤس میں ملاقات کی تھی اس موقع پر چودھری جاوید چٹھہ، سابق چیف گیم وارڈن بدر منیر اور مطلوب ربانی بھی موجود تھے۔ ملاقات میں موجودہ سیاسی صورتحال سمیت باہمی دلچسپی کے امور پر تبادلہ خیال کیا گیا تھا-
اس موقع پر چودھری پرویزالٰہی نے کہا تھا کہ وزیراعظم عمران خان کے وژن اور عوام کو ریلیف دئیے بغیر مستحکم حکومت کا خواب پورا نہیں ہوسکتا، مہنگائی پر ہر حال میں قابو پانا ہو گا، بیروزگاری اور مہنگائی نے عوام کا جینا دوبھر کر دیا ہے، وزیراعظم عمران خان کی عوام کو ریلیف دینے کیلئے مناسب حکمت عملی کی ضرورت ہے۔
خود کو وزیراعظم ہاؤس کا سکیشن آفیسر ظاہر کرکے لوگوں کو لوٹنے والا جعلساز گرفتار
انہوں نے کہا تھا کہ شہبازشریف اور ن لیگ کی حکومت نے ہمارے دور کے شروع کیے ہوئے ہر فلاحی منصوبے کو بند کرنے کی کوشش کی، اداروں کے فنڈز منجمد کر دئیے، 1122 جیسے انسانی خدمت کے ادارے کو بھی بند کرنے کی کوشش کی۔
انہوں نے کہا تھا کہ دس سال تک ن لیگ کی حکومت نے پنجاب اسمبلی کی نئی بلڈنگ کو مکمل نہیں ہونے دیا، وزیرآباد کارڈیالوجی ہسپتال مکمل ہونے کے باوجود آپریشنل نہیں کیا گیا جس سے ہزاروں قیمتی جانیں ضائع ہوئیں جس کے جوابدہ شہبازشریف ہیں۔
