وزیر داخلہ شیخ رشید کی ایک پُرانی ویڈیو سوشل میڈیا پر وائرل ہو رہی ہے جس میں انہوں نے وزیر اعظم عمران خان کو پاگل قرار دیا تھا-
باغی ٹی وی : تفصیلات کے مطابق نجی ٹی وی چینل اے آر وائے پر معروف اینکر پرسن اور میزبان وسیم بادامی کے شو کا ایک پُرانا ویڈیو کلپ وائرل ہو رہا ہے –
@ImranKhanPTI @ShkhRasheed #PTI pic.twitter.com/c3rCSNxBhn
— Javeria (@Javeria60097622) October 13, 2021
کلپ کے مطابق اینکر پرسن نے شیخ رشید سے لائیو شو میں گفتگو کرنے کے لئے کال ملائی تو وزیر داخلہ وسیم بادامی سے مخاطب ہونے کی بجائے یہ وزیر اعظم عمران خان کے بارے میں کہتے سنائی دیئے کہ بدل گئی ہے پارٹی اس دوران کسی نے پوچھا عمران خان بھی؟ جس پر عمران خان کے بظاہر قصیدے پڑھنے والے شیخ رشید کہتے سنائی دئیے پاگل ہوا ہے عمران –
شیخ رشید کا 2018 کا یہ پرانا ویڈیو کلپ سوشل میڈیا پر وائرل ہو رہا ہے-
ملک میں مہنگائی اور کاروبار ،نوکریاں نہ ہونے کی وجہ سے عوام کی جانب سے وزیراعظم اور پی ٹی آئی حکومت کو شدید تنقید کا سامنا ہے اور شاید اب زیادہ لوگ شیخ رشید کی اس بات سے متفق ہیں جس کی وجہ سے صارفین یہ کلپ دوبارہ سوشل میڈیا پر شئیر کر کے اپنے غصے کا اظہار کر رہے ہیں-
جبکہ حال ہی میں اسلام آباد میں عوام سے خطاب کرتے ہوئے بظاہر شیخ رشیدکا کہنا تھا کہ چوروں اور لٹیروں کی وجہ سے ملک دلدل میں پھنسا ہے عمران خان میں دیوار سے پیچھے دیکھنے کی صلاحیت ہے آپ بہت خدمت کرتے ہیں، ملک سے غربت ختم کرنا چاہتے ہیں، آپ کو بھی ماں کی دعا ہے،مجھے بھی ماں کی دعا ہے،آپ ملک آگے لےکرجائیں گے۔
وزیر داخلہ کا مزید کہنا تھا کہ وزیراعظم کی قیادت میں اسلام آباد شہر کو بھی مثالی بنائیں گے۔
