وزیراعظم عمران خان ملائیشیا روانہ، ہمراہ کون گیا؟ اہم خبر
باغی ٹی وی کی رپورٹ کے مطابق وزیراعظم عمران خان 2روزہ دورے پر ملائیشیا روانہ ہو گئے،وزیر خارجہ شاہ محمود قریشی ،اسد عمر اور مشیر تجارت بھی وزیراعظم کے ہمراہ ہیں،.
ملائشیا میں ہم منصب سے ملاقات کے دوران اہم معاہدے اور تجارتی معاملات پر بات چیت ہو گی، وزیراعظم کے دورہ ملائیشا کا مقصد دو طرفہ تعلقات کو مضبوط کرنا ہے،
پاکستان اور ملائشیا کے درمیان وفود کی سطح پر مذاکرات 4 فروری کو ہوں گے۔ وزیراعظم عمران خان اور ڈاکٹر مہاتیر محمد میں ون آن ون ملاقات بھی ہوگی، ملاقات میں دو طرفہ تعلقات اور تجارت و سرمایہ کاری کے فروغ پر بات چیت ہوگی.
ترجمان دفتر خارجہ کا کہنا ہے کہ پاکستان اور ملائیشین وزیراعظم کی مشترکہ پریس بریفنگ بھی ہوگی، وزیراعظم ملائیشیا میں تھنک ٹینک سے بھی خطاب کریں گے۔عائشہ فاروقی کے مطابق وزیراعظم کے دورے کے دوران دو طرفہ معاہدے بھی کیے جائیں گے، وزیراعظم عمران خان مسئلہ کشمیر، انسانی حقوق کی خلاف ورزیوں کو اجاگر کریں گے۔
افغان طالبان مجھ سے ملنا چاہتے تھے لیکن کسی ملک کو اعتراض تھا، وزیراعظم
کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب
سعودی ولی عہد اور امریکی صدر نے ایران سے ڈٰیل کرنے کا کہا، وزیراعظم
کشمیر پر بات کرنے پر شکر گزار، ترک صدرپاکستان کب آئیں گے؟ وزیراعظم نے بتا دیا
ملائشیا کانفرنس میں شرکت سے متعلق اردگان کا بیان اور انکا درد امت، باغی سپیشل رپورٹ
قبل ازیں اقوام متحدہ کی جنرل اسمبلی اجلاس کے موقع پر نیو یارک میں وزیراعظم عمران خان کی ملائیشیا کےوزیراعظم مہاتیرمحمد سے ملاقات ہوئی ہے ،وزیراعظم عمران خان نے مسئلہ کشمیرکی حمایت کرنے پرمہاتیرمحمد کاشکریہ اداکیا ،دونوں سربراہان نے باہمی تعلقات مزید مضبوط کرنے پراتفاق کیا.
وزیراعظم عمران خان نے مہاتیر محمد کو کشمیر کی صورتحال سے آگاہ کیا،اس موقع پر مہاتیر محمد کا کہنا تھا کہ مسئلہ کشمیرسلامتی کونسل کی قراردادوں کےمطابق حل کیاجائے،
بعد ازاں ملائشیا میں ہونے والی کانفرنس میں وزیراعظم نے شرکت کرنا تھی لیکن وزیراعظم عمران خان سمیت پاکستان کی کسی بھی حکام نے شرکت نہیں کی، ملائشین وزیراعظم نے عمران خان کو گاڑی بھی بھجوائی ہے.
