اسلام آباد :وزیراعظم عمران خان کے دورہ آزاد کشمیر کی تیاریاں حتمی مراحل میں :بڑے بڑے ن لیگی رہنما استقبال کے لیے تیار،اطلاعات کے مطابق وزیراعظم عمران خان کے دورہ آزاد کشمیرکی تیاریاں حتمی مراحل میں داخل ہوگئی ، نائب سربراہ الیکشن کمیٹی پی ٹی آئی آزادکشمیر تنویر الیاس کا کہنا ہے کہ وزیراعظم کا آزادکشمیر میں تاریخ ساز استقبال کیا جائے گا۔
دوسری طرف یہ بھی اطلاعات ہیں کہ بڑے بڑے ن لیگی نام ، رہنما وزیراعظم عمران خان کے استقبال کے لیے تیار ہیں اوریہ بھی اطلاعات ہیں کہ وزیراعظم کے مظفرآباد پہنچنے پرن لیگ کے بڑے بڑے رہنما ن لیگ سے تائب ہوکرپی ٹی آئی میں شامل ہونے کااعلان کریں گے
مظفرآباد سے ذرائع کے مطابق اس سلسلے میں نائب سربراہ الیکشن کمیٹی پی ٹی آئی آزادکشمیر تنویر الیاس کی سیف اللہ نیازی سے ملاقات ہوئی ، جس میں وزیراعظم کے دورہ آزادکشمیر، الیکشن کے حوالے سے حکمت عملی پر مشاورت کی گئی۔
ملاقات کے دوران سردار تنویر الیاس نے الیکشن مہم کے بارے چیف آرگنائزر پی ٹی آئی کو بریفنگ دیتے ہوئے بتایا کہ وزیراعظم عمران خان کو کشمیری اپنا محسن سمجھتے ہیں، آزاد کشمیر کےلوگ عمران خان کےخیرمقدم کیلئے بیتاب ہیں، تنویر الیاس
تنویر الیاس کا کہنا تھا کہ ہر گزرتے دن کےساتھ تحریک انصاف مضبوط ہو رہی ہے، پی ٹی آئی آزاد کشمیر میں بھاری مینڈیٹ سےاقتدارمیں آئےگی، وزیراعظم کا آزادکشمیر میں تاریخ ساز استقبال کیا جائے گا۔
سیف اللہ نیازی نے کہا کہ وزیراعظم عمران خان کا پیغام گھر گھر پہنچایا جائے، آزاد کشمیر سے ن لیگ اور پیپلز پارٹی کا خاتمہ کر دیں گے، یکجان ہو کر کپتان کے نظریے پر الیکشن مہم چلائی جائے۔
خیال رہے آزاد کشمیر کی اہم شخصیات اور سیاسی جماعتوں کی غیر مشروط حمایت کے باعث تحریک انصاف کی الیکشن میں کامیابی کی راہ ہموار ہونے لگی۔ آزاد کشمیر کی قانون ساز اسمبلی کے انتخابات 25 جولائی کو ہونگے، آزاد کشمیر کے 33جبکہ مہاجرین جموں کشمیر کے 12حلقوں میں انتخاب ہوگا۔
