وزارت عظمیٰ کیلئے عمر ایوب ہمارے امیدوار ہوں گے، اسد قیصر

تحریک انصاف کے رہنما اسد قیصر نے عمران خان سے اڈیالہ جیل میں ملاقات کے بعد راولپنڈی میں میڈیا سے گفتگوکرتے ہوئے کہا ہے کہ ہمارے وزیر اعظم کے امیدوار عمرایوب ہوں گے،

اسد قیصر کا کہنا تھا کہ سیاسی جماعتوں سے ملاقاتوں کیلئے مجھے مینڈیٹ دیا گیا ہے، بچہ بچہ جانتا ہے کہ ہمارا مینڈیٹ چوری ہوا ہے، دھاندلی کیخلاف پر امن احتجاج کریں گے، استعفے نہیں دیں گے،علی امین گنڈا پور ہی وزیر اعلیٰ کے پی کے کے امیدوار ہیں جو عمران خان نے فیصلہ کیا ہے وہ ہی ہوگا ،خیبر پختونخوا اسمبلی کے سپیکر کے امیدوار عقیب اللّٰہ ہوں گے۔قوم کو ملک بھر میں احتجاج کے لیئے تیار رہنے کا کہا گیا ہے۔ہم اسمبلی میں بیٹھیں گے قانونی جنگ بھی لڑیں گے عوام میں بھی جائیں گے ۔آج شام تک تحریک انصاف ملک بھر میں ریلیوں اور احتجاج کی کال دے گی ۔پورے ملک میں احتجاج ہوگا ،یہ الیکشن پاکستان کی تاریخ کا بدترین الیکشن ہوا ہے ۔میں نے موجودہ سیاسی صورتحال عمران خان کے سامنے رکھی، اس بار بغیر شرم کے دھاندلی کی گئی ہے، آنے والی حکومت پاکستانی عوام کے مسائل حل کر سکے گی نہ دنیا میں ملک کی نمائندگی، اس الیکشن کو نہ کوئی پاکستان میں مان رہا ہے نہ عالمی سطح پر کوئی سنجیدہ لے رہا ہے۔

دھاندلی،عمران خان نے جمعیت علماء اسلام سے بھی بات کرنا کا کہا ہے،اسد قیصر
اسدقیصر کا مزید کہنا تھا کہ عدالتی حکم کے بعد مجھے عمران خان سے ملاقات کی اجازت ملی،آئندہ دو روز میں تحریک انصاف کی پارلیمانی پارٹی کا اجلاس طلب کیا جائے گا،ہم بھی یہی چاہتے ہیں کہ سیاسی استحکام آئے افرا تفری ختم ہو مگر ضروری ہے کہ پہلے عوامی مینڈیٹ کو تسلیم کیا جائے دھاندلی سے چھینی گئی سیٹیں واپس کی جائیں،جو بھی دھاندلی کیخلاف سراپا احتجاج جماعتیں اُن سے بات ہوگی، اس میں جے یو آئی ف بھی شامل ہے،جمعیت علمائے اسلام سے بھی بات کر کے لائحہ عمل طے کریں گے،مولانا فضل الرحمان، اے این پی اور دیگر جماعتوں سے بات کروں گا،ہم پورے ملک میں احتجاج کریں گے، ہم نے اپنے تحفظات کا اظہار کیا ہے جو امریکہ خود کو چیمپئین سمجھتا ہے اس پر خاموش کیوں ہے،ہم چاہتے ہیں اس ملک میں آئین کی پاسداری ہو،چیف جسٹس کو چاہئیے کہ اس کا نوٹس لے،فارم 45 میں لوگ جیتے ہیں اور فارم 47 میں نتیجے تبدیل کردئیے، ہمارے ووٹرز سپورٹرز کو جیلوں میں ڈالا گیا،ہم اختجاج بھی کریں گے اور اسمبلیوں میں بھی بیٹھیں گے،ہمارا لیڈر خان ہے، جو فیصلہ کرتا ہے ہم تسلیم کرتے ہیں،

نواز شریف کا چوتھی بار وزارت عظمیٰ کا خواب ادھورا، شہباز شریف وزیراعظم نامزد

اگر آزاد کی اکثریت ہے تو حکومت بنا لیں،ہم اپوزیشن میں بیٹھ جائینگے، شہباز شریف

پی ٹی آئی کا وفاق اور پنجاب میں ایم ڈبلیو ایم ،خیبر پختونخوامیں جماعت اسلامی سے اتحاد کا اعلان

نواز شریف چیخ اٹھے مجھے کیوں بلایا،زرداری کی شرط،مولانا کی ضد،ن کی ڈیمانڈ

موبائل بندش سے نتائج تاخیر کا شکار،دھاندلی بھی ہوئی، الیکشن کمیشن کی تصدیق

جہانگیر ترین پارٹی عہدے سے مستعفی،سیاست چھوڑنے کا اعلان

انتخابات میں ناکامی، سراج الحق جماعت اسلامی کے عہدے سے مستعفی