وزیراعظم شہبازشریف کا بحرین کے بادشاہ سے ٹیلیفونک رابطہ

اسلام آباد: وزیراعظم شہبازشریف کی بحرین کے شاہ کو عید کی مبارک ، بحرین کے عوام کے لئے نیک تمناﺅں کا اظہار

باغی ٹی وی : وزیراعظم محمد شہبازشریف نے بحرین کے بادشاہ عزت مآب حمد بن عیسی آل خلیفہ سے آج ٹیلی فون پر گفتگو کی اور انہیں عیدالفطر کے پُرمسرت موقع پر مبارک پیش کی۔

وزیرخارجہ بلاول بھٹواورترک ہم منصب کےدرمیان ٹیلیفونک رابطہ

وزیراعظم نے خوشی کے اس موقع پر بحرین کے برادر عوام کی مسلسل ترقی اور خوش حالی کے لئے بھی نیک تمناﺅں اور خواہشات کا پیغام دیا۔

وزیراعظم نے اعادہ کیا کہ پاکستان سلطنت بحرین کے ساتھ اپنے برادرانہ تعلقات کو بے حد قدر کی نگاہ سے دیکھتا ہے۔ انہوں نے تمام شعبوں میں دوطرفہ تعلقات کو مزید مضبوط بنانے کے اپنے عزم کا اظہار کیا۔ وزیراعظم نے کورونا عالمی وباءکے دوران بحرین کی حکومت کی طرف سے وہاں مقیم پاکستانیوں کی دیکھ بھال کے لئے اقدامات کرنے پر شکریہ ادا کیا۔

عمران خان نے بائیڈن انتظامیہ سے پاکستان میں حکومتی تبدیلی پر وضاحت مانگ لی

وزیراعظم شہبازشریف کی عید کی مبارک اور بحرین کے عوام کے لئے خیرسگالی کی خواہشات پر بحرین کے شاہ حمد بن عیسی آل خلیفہ نے عیدالفطر اور حالیہ انتخاب میں وزارت عظمی کا منصب سنبھالنے پر وزیراعظم شہبازشریف کو مبارک پیش کی۔ بحرین کے پاکستان کے ساتھ دوطرفہ تعلقات اور تعاون کو مزید پختہ اور گہرا کرنے کے اپنے عزم کا اعاد کرتے ہوئے شاہِ بحرین نے کہاکہ ان اہداف کے حصول کے لئے وہ وزیراعظم کے ساتھ قریبی تعاون اور مل کر کام کرنے کے لئے چشم براہ ہیں۔

فرح خان کیخلاف ریکارڈ کے حصول کیلئے نیب متحرک