پی ایم مودی کے شہر گجرات میں ایک کاروباری نے خودکشی کیوں کی؟

بھارت میں اقتصادی بحران سے پریشان ہو کر بڑے بڑے صنعت کار اپنے پلانٹ بند کرنے کے لیے مجبور ہو رہے ہیں۔ کچھ لوگوں کو سمجھ نہیں آ رہا ہے کہ آخر وہ کریں تو کیا کریں۔ گجرات کے سورت میں معاشی بدحالی سے پریشان ہو کر ایک بلڈر نے خودکشی کر لی۔ خودکشی کرنے والے بلڈر کا نام ہریش بھائی شام جی بھائی روانی ہے۔ بتایا جا رہا ہے کہ یہ بلڈر کاروبار میں آئی مندی سے پریشان تھا۔
بھارت کا معاشی بحران … بینک اور آٹو سیکٹر کی کمپنیوں کے شئیرز میں کمی

ہریش بھائی سورت کے کامریج علاقے میں رہتے تھے۔ انھوں نے اپنے فارم ہاوس میں پھانسی لگا کر خودکشی کی ہے۔ لوگوں نے بتایا کہ طویل مدت سے کاروبار میں آئی مندی کی وجہ سے بلڈر بہت پریشان تھے۔

خبروں کے مطابق ہریش نے اپنے پروجیکٹ کو پورا کرنے کے لیے پرائیویٹ فائنانسروں سے سود پر کروڑوں روپے لیے تھے۔ خودکشی کی خبر ملنے کے بعدپولیس موقع پر پہنچ گئی ۔ فی الحال پولیس نے کچھ بھی کہنے سے منع کر دیا ہے۔ پولیس پورے معاملے کی تفتیش کر رہی ہے۔