قوم اس مرتبہ روایت سے ہٹ کر عیدالفطر کی خوشیاں منائے، وزیر اعظم
اسلام آباد :قوم اس مرتبہ روایت سے ہٹ کر عیدالفطر کی خوشیاں منائے، وزیر اعظم، اطلاعات کے مطابق وزیر اعظم عمران خان نے قوم کو عید کی مبارکباد دیتے ہوئے کہا ہے کہ میں چاہتا ہوں کہ اس مرتبہ قوم روایت سے ہٹ کر عیدالفطر کی خوشیاں منائے۔
چیئرمین مرکزی رویت ہلال کمیٹی نے پاکستان میں شوال کا چاند نظر آنے کا اعلان کیا اور پورے ملک میں عیدالفطر اتوار کو منائی جائے گی۔
میں چاہتا ہوں کہ اس مرتبہ قوم روایت سے ہٹ کر عید الفطر کی خوشیاں منائے۔ سب سے پہلے ہم ان خاندانوں کیلئے دستِ دعا بلند کریں جن کے پیارے ہوائی جہاز کو پیش آنے والے سانحے میں ان سے بچھڑ گئے یا وباء (COVID 19) کے نتیجے میں ان سے جدا ہوگئے۔
— Imran Khan (@ImranKhanPTI) May 23, 2020
سماجی رابطوں کی ویب ٹوئٹر پر اپنے پیغام میں وزیر اعظم عمران خان نے کہا کہ میں چاہتا ہوں کہ اس مرتبہ قوم روایت سے ہٹ کر عید الفطر کی خوشیاں منائے۔
انہوں نے کہا کہ ہمیں سب سے پہلے ان خاندانوں کے لیے دعا کرنی چاہیے جن کے پیارے ہوائی جہاز کے سانحے میں ان سے بچھڑ گئے یا کورونا کی وبا کے نتیجے میں ان سے جدا ہوگئے۔
واضح رہے کہ خیال رہے کہ گزشتہ روز کراچی ایئرپورٹ کے قریب ماڈل کالونی میں پی آئی اے کا طیارہ گر کر تباہ ہوگیا تھا جس میں 91 مسافر اور عملے کے 8 افراد سوار تھے جن میں سے 97 افراد جاں بحق ہوئے جبکہ 2 افراد محفوظ رہے جو ہسپتالوں میں زیرِ علاج ہیں۔
اس کے علاوہ ملک بھر میں کورونا وائرس سے اب تک 53ہزار سے زائد افراد متاثر ہو چکے ہیں جبکہ وائرس کا شاکر ہو کر ایک ہزار 123 جاں بحق ہو چکے ہیں۔
دوسرا یہ کہ ہم میں سے ہر کوئی وباء کے حوالے سےمتعارف کردہ خصوصی تدابیر یعنی SOPs کا بھرپور خیال اور لحاظ رکھے۔ مرض ہمارے درمیان موجود ہے چنانچہ ادائیگئ نمازِ عید سمیت پوری چھٹیوں کے دوران سماجی فاصلوں کا بطور خاص اہتمام کیا جائے۔ اللہ پاک اپنی رحمت ہم پر سایہ فگن فرمائیں، آمین
— Imran Khan (@ImranKhanPTI) May 23, 2020
وزیر اعظم نے قوم کے نام اپنے پیغام میں مزید کہا کہ ہم میں سے ہر کوئی کورونا کی وبا کے حوالے سے متعارف کردہ خصوصی تدابیر یعنی ایس او پیز کا بھرپور خیال اور لحاظ رکھے۔
وزیر اعظم نے کہا کہ یہ مرض ہمارے درمیان موجود ہے لہٰذا نماز عید کی ادائیگی سمیت پوری چھٹیوں کے دوران سماجی فاصلوں کا بطور خاص اہتمام کیا جائے۔