وزیراعظم شہباز شریف وفد کےہمراہ لندن پہنچ گئے

وزیراعظم شہباز شریف وفد کے ہمراہ لندن پہنچ گئے ہیں۔

باغی ٹی وی : مسلم لیگ ن کے کئی اہم رہنما بھی وزیراعظم شہباز شریف کے ہمسفر رہے جن میں وفاقی وزیر احسن اقبال، مریم اورنگزیب، خواجہ سعد رفیق، خواجہ آصف اور خرم دستگیر شامل ہیں غیر ملکی پرواز مقامی وقت صبح 5:25 بجے لندن کے گیٹ وک ایئر پورٹ کے ساؤتھ ٹرمینل پر اتری ہے۔

قانونی اصلاحات کریں، توبہ کا دروازہ تو ہمیشہ کھلا رہتا ہے،سپریم کورٹ

واضح رہے کہ مسلم لیگ ن کے قائد نواز شریف سے اہم امور پر مشاورت کے لیے وزیراعظم شہباز شریف وفد کے ہمراہ نصف شب کو اسلام آباد سے لندن کیلئے روانہ ہوئےتھے۔

مسلم لیگ ن کے ذرائع کا کہنا تھا کہ نواز شریف کو بعض معاملات پر پارٹی رہنماؤں مشاورت کرنی ہے اور ن لیگ بڑا فیصلہ کرنے جا رہی ہے وزیراعظم شہباز شریف دو دن لندن میں قیام کریں گے وزیراعظم برطانوی اعلیٰ حکام سے بھی ملاقات کریں گے-

وزیراعظم شہباز شریف لندن جانے کے لئے تیار

ذرائع کے مطابق نواز شریف نے ویڈیو لنک پر اجلاس کی تجویز مسترد کر دی تھی، ملاقات میں آئندہ الیکشن، پنجاب کابینہ اور پاور شیئرنگ سے متعلق اہم فیصلے کیے جانے کا امکان ہے۔

ذرائع کا کہنا تھا کہ پیٹرولیم مصنوعات کی قیمتوں پر لائحہ عمل سے متعلق بھی نوازشریف اور اسحاق ڈار سے مشاورت ہو گی جبکہ ذرائع کا یہ بھی کہنا تھا کہ پارٹی بڑا فیصلہ کرنے جارہی ہے،آئندہ الیکشن اور پنجاب میں پاور شیئرنگ سے متعلق اہم فیصلے کیے جانے کا امکان ہے-

بلاول بھٹو زرداری سے برطانوی ہائی کمشنر کرسچن ٹرنر کی ملاقات

سابق وزیراعطم شاہد خاقان عباسی کا کہنا تھا کہ نوازشریف نے شہبازشریف اوردیگرکو طلب نہیں کیا،شہبازشریف اور دیگر نے نوازشریف سے مشاورت کیلئے کی درخواست کی تھی ،شہبازشریف اوردیگرافراد نوازشریف سے مشاورت کیلئے لندن آرہے ہیں پیرکی صبح لندن پہنچا تھا پورا دن نوازشریف کے ساتھ رہا،عدم اعتماد کے ذریعے پی ٹی آئی حکومت ہٹانے پر نواز شریف کومبارک باد دی،گزشتہ رات بحرین کیلئے روانہ ہوا تھا،اب پاکستان واپس آرہا ہوں-