سیاسی بلوغت سے عاری ٹولہ جھوٹا ہے ، جھوٹ سے قوم کو گمراہ نہیں کیا جاسکتا ،ڈاکٹر فردوس عاشق اعوان

اسلام آباد:سیاسی بلوغت سے عاری ٹولہ اہل پاکستان کو گمراہ کرنے کی کوششیں کررہا ہے ، حیران ہوں اس قدر یہ ٹولہ جھوٹا ہے کہ ایک ذمہ دار ادارے کے بارے میں جھوٹ بول رہےہیں. ان خیالات کا اظہار وزیر اعظم عمران خان کی مشیر اطلاعات ڈاکٹر فردوس عاشق اعوان نے اسلام اباد میں‌ایک پریس کانفرنس کے دوران کیا .

ڈاکٹر فردوس عاشق اعوان نے میڈیا پر چلنے والی ان خبروں کی تردید کردی کہ پنجاب فرانزک لیبارٹری نے جج ارشد ملک کی ویڈیو کو اصلی قرار دیا .انہوں نے کہا کہ اس ٹولے کے جھوٹ کا اندازہ اس بات سے لگایا جا سکتا ہے کہ
کہ وہ ویڈیو ابھی تک پنجاب فرانزک لیبارٹری کو بھیجی ہی نہیں گئی .

مشر اطلاعات نے اپنی پریس کانفرنس میں کہا عجیب حرکتیں یہ ٹولہ کررہا ہے ، کہ اتنا بڑا جھوٹ بول دیا . انہوں نے کہا قوم کو پتہ ہونا چاہیے کہ یہ وہی ٹولہ ہے جس نے کہا تھا کہ ہماری تو باہر کوئی جائیداد ہی نہیں‌اور اب اس جائیداد کو بچانے کے لیے حکومت کے خلاف جھوٹا پراپیگنڈہ کررہا ہے

ڈاکٹر فردوس عاشق اعوان نے پختون خواہ صوبے میں پر امن الیکشن ہونے پاک فوج ،دیگر سیکورٹی اداروں کے ساتھ ساتھ وہاں کے عوام کا شکریہ ادا کیا .انہوں نے کہا کہ یہ پاکستان کے لیے بہت بہتر ہے. انہوں نے کہا آج ان قبائلی علاقوں میں ہونے والے الیکشن کے بہت مثبت اثرات مرتب ہوں گے .

ڈاکٹر فردوس عاشق اعوان نے قبائلی علاقے کی عوام کو خراج تحسین پیش کرتے ہوئے کہا کہ آج ان کی حب الوطنی سے اس علاقے اور پاکستان کے خلاف تمام سازشیں دم توڑ گئیں ہیں.