ن لیگ کا 25 جولائی کو یوم سیاہ کا اعلان، کن شہروں میں جلسے اور ریلیاں‌ ہوں‌ گی؟ احسن اقبال نے بتا دیا

پاکستان مسلم لیگ ن کے رہنما احسن اقبال نے کہا ہے کہ دس لاکھ لوگ بیروزگار ہوگئے ، نہ آپ کو معیشت چلانا آتی ہے نہ ملک چلانا آتاہے ، چالیس لاکھ مزید پاکستانی غربت کی لکیر سے نیچے چلےگئے،

باغی ٹی وی کی رپورٹ‌ کے مطابق احسن اقبال نے میڈیا سے گفتگو کرتے ہوئے کہاکہ شاہد خاقان عباسی کی کاوشوں سے معیشت کو اربوں روپے فائدہ ہوا، پہلے انھوں نے 50 لاکھ گھر کاوعدہ کیااب 3 سال میں 18ہزارگھر بنائےجارہےہیں، ن لیگ بھرپور طریقےسے 25 جولائی کو یوم سیاہ منائے گی ، پشاور میں مرکزی جلسہ ہوگا دیگر شہروں میں بھی ریلیاں اور جلسے ہوں گے،

احسن اقبال نے کہاکہ ان کے پلے کچھ نہیں اس لیے اپوزیشن کی کردار کشی کررہے ہیں، انھوں نے 7ہزار ارب روپے کا قرضہ قوم پر چڑھا دیا ہے، ہمیں نہ چھوڑیں ، سب کو جیل میں ڈال دیں ، قوم پر تو رحم کریں، ہم سب کو جیل میں ڈال دو لیکن عوام کو سستا آٹا ، بجلی اور گیس تودو، کام آتا نہیں ہےاورروزانہ اپوزیشن کو دھمکیاں دی جاتی ہیں، ہم دھمکیوں سے ڈرنے والے نہیں ،