مسلم لیگ ن نے الیکشن کمیشن کو آئندہ ماہ انٹرا پارٹی انتخابات کرانے کی یقین دہانی کرادی۔
مسلم لیگ ن نے الیکشن کمیشن کو آئندہ ماہ انٹرا پارٹی انتخابات کرانے کی یقین دہانی کرادی ہے. ممبر نثار درانی کی سربراہی میں 4 رکنی الیکشن کمیشن نے مسلم لیگ ن میں انٹرا پارٹی انتخابات کے معاملے کی سماعت کی، جس میں ن لیگ کے وکیل سے سوال کیا گیا کہ آپ انٹرا پارٹی الیکشن کیوں نہیں کروا رہے؟۔ جواب فائل کریں جس میں انٹرا پارٹی الیکشن میں تاخیر کی وجوہات لکھی ہوں۔
ن لیگ کے وکیل نے الیکشن کمیشن کو بتایا کہ ہم نے اس ہفتے پارٹی کا انٹرا پارٹی الیکشن کرانا تھا، لیکن وزیر اعظم کو کورونا ہو گیا۔ اب پارٹی کا 30 دسمبر کو یوم تاسیس اور مرکزی مجلس عاملہ کا اجلاس رکھا ہوا ہے۔ وکیل نے یقین دہانی کرائی کہ 30 دسمبر کو لازمی انٹرا پارٹی الیکشن کرا لیں گے۔ الیکشن کمیشن نے وکیل کی جانب سے یقین دہانی کے بعد کیس کی آئندہ سماعت 5 جنوری تک ملتوی کر دی۔ واضح رہے کہ الیکشن کمیشن نے گزشتہ سماعت پر انٹرا پارٹی الیکشن نہ کروانے پر شہباز شریف اور احسن اقبال کو شو کاز نوٹس جاری کیا تھا۔
یہ بھی پڑھیں؛
فیفا کے وارے نیارے ہوگئے؛ اسپانسر شپ سے ایک بلین ڈالر اضافی کمالیے
پروین رحمان قتل کیس؛ ملزمان کو دی گئی سزا کالعدم قرار
انتظار ختم! تاریخ کا مہنگا ترین عالمی فٹبال میلہ قطر میں سج گیا:میزبان ملک قطرپہلے میچ میں ہی ہارگیا
خیال رہے کہ اس سے قبل انٹرا پارٹی انتخابات معاملے پر الیکشن کمیشن نے ن لیگ کو جواب کیلئے آخری موقع دیا تھا، الیکشن کمیشن آف پاکستان نے انٹرا پارٹی الیکشن نہ کروانے کے معاملے پر مسلم لیگ (ن )کے صدر شہباز شریف اور سیکرٹری جنرل احسن اقبال کو نوٹسز جاری کر دئیے تھے، جبکہ سماعت 21 نومبر یعنی آج تک ملتوی کردی گئی تھی۔ ن لیگ کے انٹرا پارٹی الیکشن کے معاملے پر دائر درخواست کی سماعت نثار درانی کی سربراہی میں الیکشن کمیشن کے 4 رکنی بینچ نے کی تھی ۔م سلم لیگ (ن )کی طرف سے کوئی وکیل پیش نہیں ہوا تھا، جبکہ پارٹی آفس کے ملازم الیکشن کمیشن میں پیش ہوئے تھے جبکہ اب مسلم لیگ ن نے الیکشن کمیشن کو آئندہ ماہ انٹرا پارٹی انتخابات کرانے کی یقین دہانی کرادی ہے.
