پٹرولیم مصنوعات کی قیمتوں میں اضافہ،مرکزی مسلم لیگ کے ملک گیراحتجاجی مظاہرے

پاکستان مرکزی مسلم لیگ کے زیر اہتمام پٹرولیم مصنوعات کی قیمتوں میں اضافے کے خلاف ملک گیر احتجاجی مظاہرے کیے گئے۔ جس میں حکومت پاکستان سے پٹرول اور ڈیزل کی قیمتوں میں اضافے کا فیصلہ واپس لینے کا مطالبہ کیا گیا۔

حکومت پاکستان کی جانب پیٹرولیم مصنوعات کی قیمتوں میں اضافے کے خلاف پاکستان مرکزی مسلم لیگ کی جانب سے لاہور،اسلام آباد، ساہیوال،ملتان ،خانیوال ،لودھراں، رحیم یار خان، ڈیرہ غازی خان، مظفر گڑھ، جام پور، قصور، سرگودھا، گجرات،جھنگ، سیالکوٹ، راولپندی، چینوٹ رحیم یار خان، پشاور حیدآباد اور کراچی سمیت ملک بھر میں احتجاجی مظاہرہ کیے گئے جس میں ہر شعبہ ہائے زندگی سے تعلق رکھنے والے لاکھوں افراد نے شرکت کی۔مظاہرین نے ہاتھوں میں کتبے اٹھا رکھے تھے جن حکومت مخالف اور مہنگائی کے خلاف نعرے درج تھے ۔مظاہرین نے حکومت کے خلاف شدید نعرے بازی بھی کی۔

ملک بھر ہونے والے احتجاجی مظاہرے سے مقررین نے حکومتی فیصلے کی پرزور مزمت کرتے ہوئے مطالبہ کیا کہ حکومت پیٹرولیم مصنوعات کی قیمتوں میں اضافے کا حالیہ فیصلہ واپس لے۔ مہنگائی نے عام آدمی کا جینا دوبھر کردیا ہے، حکومت آہستہ آہستہ عوام سے جینے کا حق چھین رہی ہے۔ پاکستان مرکزی مسلم لیگ عوام کے ساتھ یہ ظلم نہیں ہونے دے گی۔ جو کل تک مہنگائی کے نام پر سیاست کررہے تھے آج اقتدار کے مزے لوٹ رہے ہیں۔ غریب عوام پر قیامت ڈھائی جارہی ہے اور حکمران عیاشیوں میں مصروف موجودہ حکومت کے دور میں بجلی، گیس، آٹا اور چینی سمیت پیٹرولیم مصنوعات کی قیمتوں میں کمی کے بجائے اندھادھند اضافے نے غریب عوام کو جیتے جی مار دیا ہے۔ سیاسی جماعتوں اور حکومتوں کی نااہلی نے پاکستان کو اس مقام پر پہنچا دیا ہے کہ ہم آج عالمی اداروں کے غلام بن چکے ہیں آج ملک میں بجلی، گیس اور پٹرول کی قیمتوں وہ مقرر کررہے ہیں۔ ملک کو آج غلامی میں دھکیل دیا گیا ہے۔ مرکزی مسلم لیگ پاکستان اور اس کے عوام کی ترجمان جماعت ہے ہم عالمی اداروں کی غلامی کو قبول نہیں کرتے اور نہ کرنے دیں گے۔ آج ہمیں اپنے بل بوتے پر کھڑا ہونے کی ضرورت ہے۔حکمرانوں کے موجودہ حکومتی اقدامات سے مہنگائی کا سونامی عوام کیلئے ناقابل برداشت ہوگیا ہے۔ لاہور پریس کلب کے باہر ملی رکشہ یونین کی جانب سے احتجاجی مظاہرہ کیا گیا۔

اسلام آباد نیشنل پریس کلب کے باہر احتجاجی مظاہرے خطاب کرتے ہوئے۔ شفیق الرحمن نے کہا کہ حکومت فی الفور پیٹرول، ڈیزل اور ایل پی جی کی قیمتوں میں اضافے کو واپس لے۔مرکزی مسلم لیگ ملتان کی جانب سے پریس کلب کے باہر احتجاجی مظاہرے سے خطاب کرتے ہوئے عبدالحنان خالد کا کہنا تھا کہ حکومت نے عوام پر مہنگائی کے ہفتہ وار بم گرا کر غریب سے زندہ رہنے والے کا حق بھی چھین لیا ہے،حکومت عوام پر رحم کرے۔ فیصل آباد ضلع کونسل ہال کے باہر شہریوں نے زبردست احتجاجی مظاہرہ کیا جس میں محمد فیاض نے شرکاء سے کہا آج عام پاکستانی کی کیا حالت ہوچکی ہے حکومت کو اس کا علم نہیں آٹا، بجلی، گیس اور دیگر بنیادی ضروریات تک رسائی عوام کے بس سے باہر ہوچکی ہے۔مرکزی مسلم لیگ ساہیوال کی جانب سے پریس کلب کے باہر احتجاجی مظاہرہ کیا گیا جس میں حکومت سے فی الفور اس اقدام کو واپس لینے کا مطالبہ کیا گیاجبکہ گجرات کچہری چوک میں حکومتی اقدام کیخلاف احتجاجی مظاہرہ کیا گیا۔سیالکوٹ میں مرکزی مسلم لیگ کی جانب سے عالم چوک میں عوام کا احتجاجی مظاہرہ ہوا۔

لودھراں میں پاکستان مرکزی مسلم لیگ کے زیر اہتمام پریس کلب کے باہر پٹرولیم مصنوعات کی قیمتوں میں اضافے کے کیخلاف احتجاج کیا گیا۔پشاور میں پریس کلب کے باہر مرکزی مسلم لیگ کی طرف احتجاجی مظاہرہ کیا گیا جس میں شہریوں کی ایک بڑی تعداد نے شرکت کرکے حکومت فیصلے کو نامنظور قرار دیا ہے۔

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں 

سنٹرل ایشیا روٹ پر نیا سنگ میل طے ،پاکستان افغانستان اور سنٹرل ایشیا تجارت میں تاریخ رقم ہو گئی