شیخوپورہ :پولیس کی جرائم پیشہ افراد کے خلاف کارروائیاں ،9 گرفتار

باغی ٹی وی:شیخوپورہ (محمد طلال سے) ڈسٹرکٹ پولیس شیخوپورہ فصیل مختار کے احکامات کے مطابق ایس پی انوسٹی گیشن شیخوپورہ عثمان منیر سیفی نے ضلع بھر میں جرائم پیشہ افراد،مجرمان اشتہاری،ڈکیت گینگز،منشیات فروش اسلحہ کی نمائش اور ناجائز اسلحہ رکھنے والے افراد کے خلاف بھرپور کاروائیاں کر نے کی ہدایت کی جس پر عمل درآمد کرتے ہو ئے شیخوپورہ پولیس نے گذشتہ روز ضلع بھر میں ایسے افرا د کے خلاف کاروائیاں کرتے ہو ئے نو افراد کوگرفتار کر لیا جن میں دوکس خطرناک مجرمان اشتہاری جو قتل کے مقدمات میں کافی عرصہ سے مطلوب تھے۔چار کس بدنامے زمانہ منشیات فروش اور تین کس ناجائز اسلحہ رکھنے والے ملزمان شامل ہیں۔منشیات فروشوں کے قبضہ سے تین کلو منشیات (چرس) پچاس لیٹر دیسی شراب اور ناجائز اسلحہ تین عدد پسٹل تیس بور برآمد ہوئے شیخوپورہ پولیس نے ملزمان کے خلاف مقدمات درج کر کے تفتیش شروع کردی۔