fbpx

پولیو کے خاتمے کی کوششوں کو مزید تیز کیا جائے گا. عبدالقادر پٹیل

وفاقی وزیر صحت عبدالقادر پٹیل نے کہا ہے پولیو کے خاتمے کی کوششوں کو مزید تیز کیا جائے گا اور سندھ میں بھر پور انداز میں پولیو مہم کو کامیاب بنایا جائے گا.

وزیر صحت عبدالقادر پٹیل کی زیر صدارت انسداد پولیو کا اجلاس ہوا جس میں کوآرڈینیٹرایمرجنسی آپریشن سیل سندھ نے وزیر صحت بریفنگ دی اور صحت سے متعلق سے وفاقی وزیر کو آگاہ کیا.

‏وزیر صحت نے کہا کہ: گنجان آباد شہر ہونے کے باوجود پولیو خاتمے کیلئے حکومتی کاوشیں قابل ستائش ہیں، پولیو ورکرز کی سیکیورٹی کیلئے پولیس اور دیگر اداروں کا کردار قابل تعریف ہے.

‏انہوں نے مزید کہا کہ: تکنیکی ٹیم سائنٹیفک بنیادوں پر پولیو کے خاتمے کام جاری رکھے ہوئے ہیں، یقینی بنایا جائے کہ کوئی بچہ پولیو قطرے سے محروم نہ رہے.

واضح رہے اس سے قبل کراچی کے 20 لاکھ سے زائد بچوں کو انسداد پولیو کے قطرے پلانے کا ہدف مقرر کیا گیا تھا۔ اور اسے پورے کرنے کا دعوی بھی کیا گیا.

محکمہ صحت کے حکام کے مطابق:اس مہم میں صوبہ کے 80 لاکھ سے زائد بچوں کو پولیو کے قطرے پلانے کا ہدف مقرر کیا گیا تھا جس میں پولیو رضا کاروں گھر گھر جاکر پانچ سال سے کم عمر کے بچوں کو قطرے پلائے تھے۔

جبکہ رواں سال سندھ میں پولیو کے زیادہ کیس سامنے نہیں آئے اور کراچی کے 22 لاکھ بچوں کو قطرے پلانے کا ہدف پورا کیا گیا تھا.
محکمہ صحت کی جانب سے والدین سے اپیل کی گئی تھی کہ وہ اپنے تمام پانچ سال سے کم عمر بچوں کو پولیو کے قطرے ضرور پلائیں اور پولیو ٹیم کے ساتھ تعاون کریں۔

علاوہ ازیں: پاکستان میں اس سال تقریبا 12 کیسزشمالی وزیرستان میں رپورٹ ہوئے چونکہ یہ علاقہ پاکستانی طالبان کے کنٹرول میں رہا۔ سن 2014 میں ایک عسکری آپریشن کے ذریعے پاکستانی فوج نے اس علاقے سے طالبان کا صفایا کر دیا تھا جس کے بعد وہاں پر پولیو ویکیسنیشن تیز کی گئی تھی.