اس بات پہ ایمان مکمل ہے ہمارا ,شاعر زبیر احمد

اس بات پہ ایمان مکمل ہے ہمارا

آئے گا نہ عیسی کے سوا کوئی دوبارہ

ہر وقت ہے توصیف محمد کا سہارا

یوں ذکر نے ان کے میرے شعروں کو سنوارا

خاتم ہیں وہی اور وہ ہادی ہیں ہمارے

اللہ نے قرآں میں ہے یہ حکم اتارا

جھوٹا تھا وہ دعوی جو مسیلم نے کیا تھا

اصحاب پیمبر نے اسے جان سے مارا

صدیق کے اس عزم نے ایماں کی بدولت

روشن ہے کیا اپنے مقدر کا ستارہ

اصحاب نے اک جنگ یمامہ بھی لڑی تھی

جس جنگ نے پلٹا دیا تاریخ کادھارا

اک اسود ِ عنسی سا بھی کذاب ہوا ہے

فیروز صحابی نے تھا سر جس کا اتارا

جاں ختم نبوت پہ لٹا دی ہے جنہوں نے

آقا نے اُنہیں خلد بریں سے ہے پکارا

زبیر احمد