پی ٹی آئی رہنماؤں کی سیاست اور سرگرمیاں دہشتگردی کے خلاف آپریشن میں رکاوٹ تھیں، رانا ثنااللہ

وزیراعظم کے مشیر برائے سیاسی امور رانا ثنااللہ نے کہا ہے کہ عمران خان کی بہنیں ملک میں انارکی اور افراتفری پیدا کرنا چاہتی تھیں، جبکہ پاکستان تحریک انصاف کے بعض رہنماؤں کی سیاسی سرگرمیاں دہشتگردی کے خلاف جاری آپریشن میں رکاوٹ بن رہی تھیں۔

نجی ٹی وی سے گفتگو کرتے ہوئے رانا ثنااللہ نے کہا کہ عمران خان کی بہنیں لوگوں کو گمراہ کر رہی تھیں، یہ لوگ شہدا کے خلاف بھی منفی بیانیہ اور پروپیگنڈا کرتے رہے ہیں۔

انہوں نے کہا کہ سہیل آفریدی نے کافی تیاری کی اور مختلف حربے استعمال کیے، جبکہ تحریک انصاف کے دیگر رہنما بھی ان سرگرمیوں میں شامل تھے۔ ایسے افراد کو کچھ عرصے کے لیے الگ رکھنا ضروری تھا تاکہ ملک میں امن و امان کی صورتحال برقرار رکھی جا سکے۔