نون لیگ گجرات، پی ٹی آئی فیصل آباد اور پی ایس پی کا کراچی میں پاور شو

لاہور: سیاسی جماعتیں الیکشن سے پہلے متحرک ہونے لگیں، نون لیگ آج گجرات، پی ٹی آئی فیصل آباد اور پی ایس پی کراچی میں پاور شو کے لئے تیار ہے۔

گرم موسم میں سیاسی پارہ بھی ہائی، مسلم لیگ ن آج گجرات کوٹلہ میں میدان سجائے گی، فٹ بال گراؤنڈ میں تیاریاں مکمل ہو گئیں۔ مریم نواز اور وزیر اعلیٰ پنجاب حمزہ شہباز کارکنوں سے خطاب کررہے ہیں

فیصل آباد کے دھوبی گھاٹ گروانڈ میں تحریک انصاف سیاسی پاور شوکررہی ہے جہاں رہنماوں کے خطاب کیلئے سٹیج تیار کیاگیا ہے جبکہ جلسہ گاہ میں ہرطرف کارکن ہی کارکن نظرآرہے ہیں اور سابق وزیراعظم عمران خطاب کررہے ہیں‌

کراچی میں بھی آج رونق لگے گی، باغ جناح گراوُنڈ میں آج پی ایس پی خواتین کا جلسہ کرنے جا رہی ہے،خواتین کے جلسے سے چیئرمین پی ایس پی مصطفی کمال خطاب کریں گے۔