کراچی :پیپلزپارٹی والے جھوٹ بول رہےہیں:جے یو آئی نے الزامات مسترد کردیئے،اطلاعات کے مطابق پاکستان پیپلزپارٹی سے اختلافات کی خبروں پر جمعیت علمائے اسلام لاڑکانہ کے امیر علامہ ناصر سومرو کا بیان سامنے آگیا۔
علامہ مولانا ناصر سومرو کا کہنا ہے کہ جمعیت علمائے اسلام نے کسی افسر کی تقرری کی سفارش نہیں کی، پیپلزپارٹی جھوٹ بول رہی ہے، ان کا کہنا تھا کہ چند روز قبل جے یو آئی لاڑکانہ اور ڈپٹی کمشنر کے درمیان تنازع ہوا تھا اور ڈپٹی کمشنر نے لاڑکانہ سے جے یو آئی کے پینا فلیکس اور پرچم اتروادیے تھے۔
علامہ مولانا ناصر سومرو نے بتایا کہ پینا فلیکس اتارنے پر جے یو آئی لاڑکانہ نے ڈی سی کی معطلی کا مطالبہ کیا اور لاڑکانہ میں مظاہرےکی بھی کال دی تھی۔
ناصر سومرو کا کہنا تھا کہ احتجاج کی کال پر ڈی سی نے اپنے والد کے ساتھ جے یو آئی دفتر آکر معذرت کی جس کے بعد جے یو آئی لاڑکانہ نے معاملے کو ختم کردیا۔ان کا کہنا ہے کہ چند چینلز اس طرح کی خبریں پھیلاکر پی ڈی ایم کے اتحاد کو کمزور کر رہے، بینظیر بھٹو شہید کی برسی میں جے یو آئی کا اعلیٰ سطح کا وفد شریک ہے اور جے یو آئی کوئی دھرنا نہیں دے رہی اور نا ہی کوئی احتجاج کر رہی۔
خیال رہے کہ پاکستان ڈیمو کریٹک موومنٹ کے سربراہ مولانا فضل الرحمان بینظیر بھٹو کی برسی کے موقع پر جلسہ عام میں شریک نہیں ہوئے
