کرونا سے بچاو،احتیاط سب پرلازم ہے: فیصل مسجد کا ہال سیل

اسلام آباد:کرونا سے بچاو،احتیاط سب پرلازم ہے: فیصل مسجد کا ہال سیل،اطلاعات کے مطابق کرونا سے بچاو کے لیے حکومتی کوششیں تیز سے تیز ترہوگئی ہیں ، انہیں اقدامات کے پیش نظر وفاقی دارالحکومت کی انتظامیہ نے فیصل مسجد کا اندرونی ہال سیل کر دیا ہے۔

ادھر ذرائع کے مطابق اسلام آباد ضلعی انتظامیہ کے مطابق مسجد کے ہال میں باجماعت نماز ادا نہیں کی جاسکے گی۔ حکام کا کہنا ہے کہ گزشتہ نماز جمعہ میں کورونا ایس او پیز پر عملدرآمد نہیں کیا گیا تھا۔

خیال رہے کہ وفاقی داراحکومت میں کورونا کیسزکی تعداد 32 ہزار 414 ہو چکی ہے اور340 افراد جان کی بازی ہاد چکے ہیں۔

این سی او سی کے مطابق اسلام آباد میں کورونا کے مثبت کیسز کی شرح6.16 فیصد ہے اور اس کا شمار ان پانچ بڑے شہروں میں ہوتا ہے جہاں وبا تیزی سے پھیل رہی ہے۔

اسلام آباد میں ان ڈور کھانوں پر پابندی عائد کر دی گئی ہے۔ لوگوں کو اوپن ایریاز میں بیٹھ کر کھانے کی اجازت ہے اور ہوٹل ٹیک اوے سروس بھی فراہم کر سکتے ہیں۔ حکام کا کہنا ہے کہ وفاقی درالحکومت میں اس وقت5 ہزار سے زائد کورونا کیسز ہیں۔

دوسری طرف کرونا ایس پی اوز کے تحت ملک بھر میں حفاظتی انتظامات اوراقدامات کا سلسلہ جاری ہے،

یاد رہےکہ وزیراعظم عمران خان مساجد کے حوالے سے واضح طورپرکہہ چکے ہیں کہ مساجد کو بند نہیں کیا جائے گا، ساتھ ہی انہوں نے کہا تھا کہ حفاظتی اقدامات اٹھانے میں تمام ترکوششیں بروئے کارلائیں جائیں گے