ضلعی انتظامیہ گوجرانوالہ، وزیر آباد کا پرائس کنٹرول ایکٹ کے تحت کریک ڈاؤن

گوجرانوالہ، باغی ٹی وی ( نامہ نگار محمد رمضان نوشاہی ) ضلعی انتظامیہ گوجرانوالہ وزیر آباد کا پرائس کنٹرول ایکٹ کے تحت کریک ڈاؤن جاری،
وزیر اعلیٰ پنجاب مریم نواز شریف کے احکامات اور ڈپٹی کمشنرگوجرانوالہ وزیر آباد محمد طارق قریشی کی ہدایات پر اسسٹنٹ کمشنرزپرائس کنٹرول مجسٹریٹس نے 52 ہزار 919 کاروائیاں کیں

973 خلاف ورزیوں پر 41 لاکھ 35 ہزار روپے کے جرمانے عائد ، 151 گرفتار ، 15 مقدمات کا اندراج اور 60 گوداموں ودکانوں کو سیل کردیا گیا،پرائس مجسٹریٹس نے یکم مارچ سے اب تک کی رپورٹ کے مطابق 42 ہزار 94چھاپہ مار کاروائیاں کی گئیں،

ان کاروائیوں کے دوران مہنگے داموں اشیائے خورونوش فروخت کرنے والوں کو30لاکھ 67 ہزار روپے کے جرمانے عائد کیے گئے، 14 افراد کے خلاف مقدمات کا اندراج کروایا اور 149 افراد کو حوالہ پولیس کرتے ہوئے گرفتار کیا اور 37 دکانوں اور گودام وغیرہ کو سیل کیا گیا۔

ضلع وزیرآباد میں 10 ہزار 825 کاروائیاں کیں 185خلاف ورزیوں پر 10 لاکھ 68 ہزار روپے جرمانہ، جبکہ گوجرانوالہ میں1 مقدمہ درج ہوا، 2افراد کو گرفتار اور23 گوداموں ودکانوں کوسیل کردیا گیا۔