Home›بین الاقوامی›برطانیہ›پرنس ہیری اور ان کی اہلیہ میگھن مارکل کی برطانیہ واپسی

پرنس ہیری اور ان کی اہلیہ میگھن مارکل کی برطانیہ واپسی

اکتوبر 19, 2020

رواں برس 9 مارچ کو باضابطہ طور پر شاہی حیثیت سے علیحدگی اختیار کرنے والا برطانوی شاہی جوڑے پرنس ہیری اور انکی اہلیہ میگھن مارکل برطانیہ واپس آرہے ہیں لیکن ان کے شیڈول میں ملکہ الزبتھ ثانی سے ملاقات شامل نہیں ہے۔

باغی ٹی وی : غیر ملکی خبررساں ادارے کی رپورٹ کے مطابق شاہی جوڑا ملکہ برطانیہ کے ساتھ کرسمس گزارنے کے بجائے آئندہ سال جنوری میں میگھن کی عدالت میں پیشی سے قبل برطانیہ واپس آئے گا۔

رپورٹ میں مزید کہا گیا ہے کہ میگھن اور پرنس ہیری کرسمس اور نیو ایئر کے عرصے کے دوران برطانیہ روانہ ہوں گے۔ حالانکہ شاہی پرستاروں میں یہ قیاس آرائی کی جارہی تھی کہ پرنس ہیری اور میگھن کی ملکہ برطانیہ سے ملاقات ہوگی۔

تاہم شاہی پرستاروں کی قیاس آرائیاں اس وقت غلط ثابت ہوئیں اور انہیں مایوسی کا سامنا کرنا پڑا جب یہ خبر سامنے آئی کہ شاہی جوڑے کے شیڈول میں ملکہ الزبتھ ثانی کے ساتھ ملاقات شامل نہیں ہے-

ایک حالیہ رپورٹ کے مطابق فروگمور کاٹیج اسٹاف، پرنس ہیری اور میگھن کے دورے یا پھر ان کی ملکہ الزبتھ سے ملاقات کے حوالے سے کوئی تیاریاں نہیں کررہا ہے اور شاہی جوڑے کا دورہ اسٹاف کے شیڈول میں شامل نہیں ہے۔

شاہی جوڑا کرسمس کا تہوار اپنے نئے 14 ملین ڈالر کے سانتا باربرا کے مینشن میں منائے گا اور یہ سینڈرنگہام (برطانیہ) میں مسلسل دوسرا کرسمس ایونٹ ہوگا جب یہ دونوں یہاں موجود نہیں ہوں گے۔

واضح رہے کہ میگھن مارکل اور شہزادہ ہیری نے مئی 2018 میں شادی کی تھی اور ان کے ہاں اگلے ہی سال بیٹے کے پیدائش ہوئی بیٹے کی پیدائش کے چند ماہ بعد ہی دونوں نے شاہی حیثیت چھوڑنے کا اعلان کیا تھا اور رواں برس 9 مارچ کو انہوں نے باضابطہ طور پر شاہی حیثیت سے علیحدگی اختیار کی تھی شاہی حیثیت چھوڑنے کے بعد پہلے کینیڈا اور اب امریکی ریاست کیلیفورنیا کی سانتا باربرا کاؤنٹی میں رہائش پذیر ہیں۔جہاں انیوں نے اپنی پروڈکشن کمپنی شروع کی ہے نیٹ فلیکس کے ساتھ کروڑوں ڈالر کا معاہدہ کیا ہے۔