پرائیویٹ سکولز فیڈریشن نے سندھ میں تعلیمی ادارے بند کرنے کا فیصلہ مسترد کر دیا

پرائیویٹ سکولز فیڈریشن نے سندھ میں تعلیمی ادارے بند کرنے کا فیصلہ مسترد کر دیا

باغی ٹی وی :کاشف مرزا صدر آل پاکستان پرائیویٹ سکولز فیڈریشن نے کہاہے سندھ میں تعلیمی ادارے بند کرنے کا فیصلہ مسترد کرتے ہیں۔

ان کا کہنا تھا کہ حکومت کا اعلان تعلیم سےسنگین مذاق ہے، ہم اس کو مسترد کرتے ہیں۔سندھ بھر میں سکولز کو تمام لیول پرکھولا رکھاجائے۔ سندھ بھر کے سکولزکے1کروڑبچوں کو بھی انکاآئینی تعلیمی حق دیا جائے۔سندھ کے 64لاکھ آوٹ آف سکولز بچوں کو بھی تعلیمی حق دیا جائے.

وزیر اعلیٰ سندھ مراد علی شاہ کی زیر صدارت کورونا ٹاسک فورس کے اجلاس میں اہم فیصلے کیے گئے جس کے تحت پیر سے صوبے بھر میں تعلیمی ادارے، ریسٹورنٹس اور شادی ہال بند رہیں گے۔

اجلاس میں فیصلہ کیا گیا کہ صوبے بھر کے تعلیمی بورڈز کے تحت ہونے امتحانات شیڈول کے مطابق ہوں گے۔اجلاس میں فیصلہ کیا گیا کہ پیر سے شاپنگ مالز اور مارکیٹ صبح 6 بجے سے شام 6 بجے تک کھلی رہے گی۔ کریانہ،بیکری اور فارمیسی کھلی رہیں گی جبکہ شادی اور دیگر تقریبات پر پابندی ہوگی۔

اجلاس میں فیصلہ کیا گیا ریسٹورنٹس پیر سے انڈور اور آوَٹ ڈور دونوں بند ہوں گے، ریسٹورنٹس کو صرف ٹیک اووے کی اجازت ہوگی۔