لاہور آرٹس کونسل الحمراء میں صوفی شاعر میاں محمد بخش کے کلام پر مبنی پروگرام کا انعقادکیا گیا۔پروگرام کا مقصد آفاقی شاعر میاں محمد بخش کو خراج عقیدت پیش کرنا تھا۔ایگزیکٹوڈائریکٹر الحمراء محمد سلیم ساگر نے اس موقع پر کہا کہ میاں محمد بخش بلند درجہ عارف، ولی اللہ ہونے کے ساتھ آفاقی شاعر تھے،آپ کی شاعری خدا کی ذات اور صفات کو پہچاننے کا درس دیتی ہے۔حسن و عشق،پیار و محبت،کارخانہ قدرت میں تدبر و فکر کرنا،خالق کی معرفت میں لگے رہنا آپ کی شاعری کے موضوعات ہیں۔میاں محمد بخش نے 17پنجابی جبکہ ایک کتاب فارسی میں لکھی،سیف الملوک انکی مشہور و معروف تصنیف ہے۔

شام بیادِ میاں محمد بخش میں نامور گلوکار عمران شوکت،شبانہ عباس نے پروگرام کیا۔”عوام کی بڑی تعداد نے پروگرام میں شرکت،” گلوکار وں کو بھرپور داد دی۔پروگرام کی نظامت کے فرائض نوین روما نے نبھائے۔یاد رہے ہ الحمراء آرٹس کونسل میں فنکاروں کی حوصلہ افزائی کےلئے ایسے پروگرامز کا انعقاد تسلسل سے کیا جاتا ہے. حالیہ پروگرام میں شرکت کرنے والے شائقین کا کہنا تھا کہ ایسے پروگرامز کا انعقاد فنکاروں کی حوصلہ افزائی کرنے کے ساتھ شائقین کو محظوظ ہونے کے مواقع فراہم کرتے ہیں.

عالیہ بھٹ جاسوس بن گئیں

ثناء لندن سے پاکستان واپس پہنچ گئیں

ہمایوں سعید اور یمنہ زیدی جنٹلمین میں پہلی بار ایک ساتھ