جب تک حکومت نہیں جاگتی ہم….. کشمیر یوتھ الائنس نے بڑا اعلان کردیا

اسلام آباد: کشمیر یوتھ الائنس نے اعلان کیا ہے کہ جب تک حکومت نہیں جاگتی ہم ان شاء اللہ روز احتجاج کریں گے.

تفصیلات کے مطابق کشمیر یوتھ الائنس نے بھارتی ظلم و ستم کیخلاف اعلان کرتے ہوئے کہا ہے کہ مقبوضہ کشمیر کی خصوصی حیثیت کے خاتمے کی سیاہ کاوش، لائن آف کنٹرول کے دونوں اطراف بھارتی گولہ باری، جارحیت، مقبوضہ جموں و کشمیر میں مزید اٹھائیس ہزار بھارتی قابض فوجیوں کی تعیناتی، کشمیر میں بھارتی فوج کی جانب سے قتل عام، حریت رہنماوں کی گرفتاری اور کرفیو کے نفاذ کے خلاف اسلام آباد پریس کلب کے سامنے مظاہرہ بروز منگل 6 اگست 2019 بوقت شام 5:30 ہوگا.

واضح رہے کہ کشمیر میں بھارتی کشیدگی اور آرٹیکل 35 اے اور 370 منسوخ ہونے پر ملک بھر میں ریلیاں نکالی جارہی ہیں اور مظاہرے کیا جارہے ہیں. تاہم اب کشمیر یوتھ الائنس نے بھی روز احتجاج کا اعلان کرتے ہوئے کہا ہے کہ جب تک حکومت نہیں جاگتی ہم ان شاء اللہ روز احتجاج کریں گے.