شائقین کرکٹ ہو جائیں تیار، پی ایس ایل 9 کاآج سے آغاز

انتظار ختم پی ایس ایل 9 کا میلہ آج سے سجے گا،پی ایس ایل 9 کا پہلا میچ آج لاہور قلندرز اور اسلام آباد یونائیٹڈ کے درمیان قذافی اسٹیڈیم لاہور میں کھیلا جائے گا ، میچ پاکستانی وقت کے مطابق شام 8 بجے شروع ہو گا، اور ٹین سپورٹس اور اے سپورٹس پر ٹیلی کاسٹ کیا جائے گا.

میچ سے قبل رنگا رنگ افتتاحی تقریب سے ٹورنامنٹ کا آغاز کیا جائے گا جس میں ملک کے معروف فنکار اپنے فن کا مظاہرہ کریں گے جبکہ شائقین کے لیے آتش بازی اور لیزر شو کا بھی انعقاد کیا جائے گا،پاکستان سپر لیگ کی افتتاحی تقریب شام06:30 بجے لاہور کے قذافی اسٹیڈیم میں شروع ہو گی۔ شائقین کرکٹ کا داخلہ 03:30 بجے شروع ہوجائے گا۔افتتاحی تقریب میں گلوکار علی ظفر، آئمہ بیگ، عارف لوہار اور نوری پرفارم کریں گے

پاکستان سُپر لیگ کے نویں ایڈیشن کے میچز 17 فروری سے چار شہروں کراچی، لاہور، ملتان اور راولپنڈی میں کھیلے جائیں گے،ایونٹ کا فائنل 18 مارچ کو کراچی کے نیشنل بینک اسٹیڈیم میں ہوگا،

پی ایس ایل،ہوٹل تا قذافی سٹیڈیم سپیشل سیکورٹی سکواڈ تشکیل
ڈی آئی جی آپریشنز سید علی ناصر رضوی کی ہدایت پر ڈولفن، پی آر یو کا سکیورٹی پلان جاری کر دیا گیا،ڈولفن،پولیس ریسپانس یونٹ نےنجی ہوٹل تا قذافی سٹیڈیم سپیشل سکواڈ تشکیل دے دیا ،ڈولفن، پولیس ریسپانس یونٹ کا پٹرولنگ دستہ 28 مشترکہ ٹیموں پر مشتمل ہو گا۔نجی ہوٹل و ملحقہ شاہراہوں پر ڈولفن و پی آر یو کی 04 ٹیمیں پٹرولنگ کے فرائض سرانجام دیں گی۔نجی ہوٹل سے لیکر قذافی سٹیڈیم تک سکیورٹی کور فراہم کیا جائے گا۔ایس پی ڈولفن زوہیب رانجھا کا کہنا ہے کہ ڈولفن،پی آر یو ہوٹل سے قذافی روٹ پر 15 ٹیمیں الرٹ ہو کر پٹرولنگ کریں گی۔قذافی سٹیڈیم کے اطراف میں مخصوص سکیورٹی پلان بھی مرتب کیا گیا ہے۔آوٹر موسٹ کارڈن کے لیے ڈولفن،پی آر یو کی 09 ٹیمیں پٹرولنگ کریں گی۔ پی ایس ایل ٹیموں کی قیام گاہ سے قذافی سٹیڈیم روانگی سخت سکیورٹی حصار میں کی جائے گی۔کرکٹ شائقین کے ساتھ خوش گفتاری سے پیش آیا جائے۔

پی ایس ایل 9 کیلئے ٹرافی کی رونمائی کردی گئی

ایچ بی ایل پی ایس ایل سیزن 9“ ٹکٹوں کی پری بکنگ کا اعلان

ایچ بی ایل پی ایس ایل کا نواں ایڈیشن کل سے شروع ہونے والا ہے