پی ٹی آئی نے این اے 249 میں امیدواروں سے درخواستیں طلب کر لیں

اسلام آباد : پی ٹی آئی نے این اے 249 میں امیدواروں سے درخواستیں طلب کر لیں،اطلاعات کے مطابق تحریک انصاف نے کراچی کے حلقہ این اے 249 پر ضمنی انتخاب کے لیے امیدواروں سے ‏درخواستیں طلب کر لیں۔

پی ٹی آئی کراچی کے صدر خرم شیر زمان کا کہنا ہے کہ فیصل واوڈا کے استعفے کے بعدخالی ‏ہونے والی نشست پر امیدواروں سے درخواستیں طلب کی گئی ہیں۔ ‏

خرم شیرزمان نے کہا کہ درخواستوں کےبعدپارلیمانی بورڈ حتمی امیدوار کا اعلان کرے گا، تحریک ‏انصاف ضمنی الیکشن کےمیدان میں بھرپورتیاری سےاترےگی اور اپنی نشست پردوبارہ اکثریت ‏سےکامیابی حاصل کرے گی۔

ذرائع کے مطابق پی ٹی آئی رہنما فیصل واوڈا کے استعفے کے بعد ن لیگ ‏کی قیادت نے سابق وزیر خزانہ مفتاح اسماعیل کو ٹکٹ دینے کا فیصلہ کیا ہے۔ذرائع ن لیگ کا کہنا ہے کہ مفتاح اسماعیل پی ڈی ایم کے مشترکہ امیدوار ہوں گے۔

واضح رہے کہ این اے 249 پر 2018 میں شہباز شریف اور فیصل واوڈا مدمقابل تھے، سابق وفاقی ‏وزیر فیصل واوڈا نے شہباز شریف کو شکست دی تھی۔

سینیٹر کا انتخاب لڑنے کے لیے فیصل واوڈا نے قومی اسمبلی کی رکنیت سے استعفیٰ دیا تھا، ان ‏کے استعفیٰ دینے کے بعد این 249 کی نشست خالی ہوئی ہے۔

یاد رہے کہ سندھ سے پی ٹی آئی کے ایم این اے فیصل واوڈا اور پیپلز پارٹی کےسندھ اسمبلی کے ‏رکن جام مہتاب کے سینیٹر منتخب ہونے سے ان کی قومی اورسندھ اسمبلی کی دونشستوں پر ‏ضمنی انتخابات اگلے دو ماہ میں ہوں گے جن کا اعلان الیکشن کمیشن کرے گا۔