تحریک انصاف میری پہلی اور آخری جماعت ہے، کہیں نہیں جارہا:اہم شخصیت کااعلان

کراچی :تحریک انصاف میری پہلی اور آخری جماعت ہے، کہیں نہیں جارہا:اہم شخصیت کااعلان ،اطلاعات کے مطابق پاکستان تحریک انصاف کے سینیئر رہنما نے کہا ہے کہ تحریک انصاف میری پہلی اور آخری جماعت ہے، کہیں نہیں جارہا ہوں۔

تفصیلات کے مطابق استعفے کے معاملے پر وضاحت جاری کرتے ہوئے فردوس شمیم نقوی نے کہا کہ میں اپوزیشن لیڈر کے عہدے سے مستعفی ہوا ہوں، پارٹی سے نہیں۔بطور اپوزیشن لیڈر اپنا استعفیٰ وزیراعظم کو بھجوا چکا ہوں۔

فردوس شمیم نقوی نے تصدیق کرتے ہوئے بتایا کہ پارٹی چیئرمین کو استعفیٰ واٹس ایپ پر بھیج دیا ہے۔ گورنر سندھ نے اپوزیشن پارٹی کے پارلیمانی لیڈرز کوملاقات کے لیے بلایا ہے۔ بتایا گیا ہے کہ سندھ اسمبلی کے اپوزیشن لیڈر کی مرکزی قیادت کے ساتھ تعلقات اچھے نہیں تھے۔

جس پر انہوں نے اپوزیشن لیڈر کی تبدیلی پر پارٹی قیادت کا فیصلہ منظور کرتے ہوئے استعفیٰ دےد یا تھا۔ واضح رہے کہ آج صبح فردوس شمیم نقوی نے اپنا استعفی وزیراعظم عمران خان کو بھجوا دیا ہے۔پاکستان تحریک انصاف کی مرکزی قیادت نے فردوس شمیم نقوی سے استعفیٰ طلب کیا تھا۔بتایا گیا تھا کہ پی ٹی آئی سندھ میں کھل کر اختلافات سامنے آ گئے ہیں۔