تحریک انصاف کے چند نوجوان جو گمراہی کی حد سے آگے نکل چکے ہیں. ملک احمد خان
باغی ٹی وی کی رپورٹ کے مطابق مسلم لیگ ن کے رہنما، سابق صوبائی وزیر رہنما ملک احمد خان نے کہا ہے کہ وزیراعلیٰ خیبرپختونخوا محمود خان نے امریکی سفیر سے ملاقات کرکے عمران خان کے رجیم چینج کے بیانیہ پر تھپڑ رسید کیا ہے
پریس بریفنگ کے دوران ملک احمد خان کا کہنا تھا کہ چند روز قبل بلوچستان ہیلی کاپٹر حادثہ میں کور کمانڈر کوئٹہ اور ان کے ساتھی شہید ہوئے ہم اس پر انتہائی غمزدہ ہیں پوری قوم اور شہداء کے لواحقین کے ساتھ اظہار افسوس کرتے ہیں ہمیں اس بات پر شدید افسوس ہے کہ اس حوالہ سے تحریک انصاف کے چند نوجوان جو گمراہی کی حد سے آگے نکل چکے ہیں انہوں نے سوشل میڈیا پر بعض قابل اعتراض پوسٹس لگائیں
ن لیگی رہنما ملک احمد خان کا مزید کہنا تھا کہ ہم نے دیکھا کہ وزیراعلیٰ خیبرپختونخوا محمود خان امریکی سفیر سے مل رہے ہیں اور ان سے امداد اور گاڑیوں کی چابیاں لے رہے ہیں پھر مجھے یاد آیا کہ امریکی مخالفت اور رجیم چینج والا بیانیہ کہاں گیا امریکی سفیر سے ملاقات کر کے وزیراعلیٰ کے پی کے محمود خان نے عمران خان کے رجیم چینج والے بیانیہ پر تھپڑ رسید کیا ہےجب سے تحریک عدم اعتماد آئی اس کے بعد آج تک یہ لوگ اپنے موقف بدل رہے ہیں فارن فنڈنگ کیس کا فیصلہ آ چکا ہے عمران خان نے کہا کہ چیف الیکشن کمشنر کی تعیناتی کس کے کہنے پر کی تھی اگر ہمت تو عمران خان اس شخصیت یا ادارہ کا نام بتائیں عمران خان کی پارٹی مخالف فیصلوں پر بوکھلا جاتی ہے،
ملک احمد خان کا مزید کہنا تھا کہ پی ٹی آئی کے سوشل میڈیا ایکٹوسٹ اداروں کے خلاف اٹھ کھڑے ہوتے ہیں انہوں نے 25، 25 ہزار روپے ماہوار پر صوبہ خیبرپختونخوا میں سوشل میڈیا میں لوگ رکھے ہوئے ہیں جو اداروں کے خلاف مہم چلاتے ہیں میں نے گورنر پنجاب کو یہی تجویز دی ہے کہ وہ پنجاب کے وزرا سے حلف لیں 8 سال تک پی ٹی آئی عدالتی حکم امتناعی کے پیچھے چھپتی رہی ہے مخالفین پر یہ جتھوں کے ذریعے حملے کراتے ہیں، تحریک انصاف نے 2014ء سے جو فنڈز لئے ان کی تفصیلات آنا ابھی باقی ہیں
اکبر ایس بابر سچا اور عمران خان جھوٹا ثابت ہوگیا،چوھدری شجاعت
عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ
