لندن: پی ٹی آئی کارکنوں کا آئے روز احتجاج،شہریوں کی زندگی اجیرن،نواز شریف کی پڑوسی خاتون روپڑی،ویڈیو

لندن: پی ٹی آئی کارکنوں کی جانب سے ایون فیلڈ کے سامنے روزمرہ کے احتجاج کی شکایت پر نواز شریف کے پڑوسی پھٹ پڑے-

باغی ٹی وی : عمران خان کو جب سے آئینی طریقے سے وزیراعظم ہاوس سے نکالا گیا تب سے تحریک انصاف کے کارکنان نے نہ صرف پاکستان بلکہ بیرون ممالک میں بھی شہریوں کی زندگی اجیرن بنا دی ہے آئے روز احتجاج کے نام پر وقت وسائل کا ضیاع الگ اور ساتھ عوام کو تنگ کرنا تحریک انصاف کا مشغلہ بن چکا ہے۔

وزیراعظم شہباز شریف سعودی عرب گئے تو تحریک انصاف نے وہاں بھی احتجاج کیا جس پر سعودی عدالت نے پی ٹی آئی کارکنان کو پکڑا اور سزا سنائی لندن میں بھی یہی کیفیت ہے۔ سابق وزیراعظم نواز شریف لندن میں مقیم ہیں مریم نواز بھی لندن پہنچ چکی ہیں پی ٹی آئی کارکنان روزانہ نواز شریف کی رہائشگاہ کے باہر احتجاج کرتے ہیں جس پر ایوان فیلڈ کے رہائشی سخت پریشان ہیں یہاں تک کہ شکایت کرتے ہوئے ایک خاتون رو پڑی جس کی ویڈیو سوشل میڈیا پر وائرل ہو رہی ہے-
https://twitter.com/Mianwali_Wala/status/1589636715701903361?s=20&t=43HVIg00YEJy3LSBxCUC7A
سوشل میڈیا پر وائرل ویڈیو میں پاکستانیوں کی طرف سے ایون فیلڈ ہاؤس کے سامنے روزانہ ہونے والے احتجاج کے بارے میں نواز شریف کے پڑوس میں رہنے والی خاتون کو شکایت کرتے ہوئے اور روتے ہوئے دیکھا جا سکتا ہے-

برطانوی لڑکی کا روتے ہوئے کہنا تھا کہ وہ روز روز کے احتجاج اور شور شرابے سے تنگ آئے ہیں اور اب یہ سب ان کی برداشت سے باہر ہو چکا ہے اس سب کو بند کرایا جائے-

احتجاج کے دوران میڈیا کارکن بھی پی ٹی آئی کارکنان سے محفوظ نہ رہے

واضح رہے کہ حال ہی میں اسکاٹ لینڈ یارڈ کی جانب سے پی ٹی آئی کے حامی نوجوان کو حراست میں لیا گیا تھا اور بعد میں اسے رہا کیا گیا تھا جب پاکستان تحریک انصاف کے کارکنوں نے مسلم لیگ (ن) کے قائد نواز شریف کی رہائش گاہ ایون فیلڈ ہاؤس کے باہر احتجاج کیا تھا۔

Shayan Ali was briefly detained and then released by Scotland Yard officers. The fight started after the police asked both PMLN & PTI supporters to end the protest front of Avenfield flat. Then some came outside the backside of the flats where scuffles broke out pic.twitter.com/6py0DGP42m

— Murtaza Ali Shah (@MurtazaViews) October 28, 2022

پاکستان میں پی ٹی آئی کے لانگ مارچ کے موقع پرپی ٹی آئی کے درجنوں مظاہرین لندن میں نواز شریف کی رہائش گاہ کے باہر جمع ہوئے تھے جمع ہوئے اور نعرے لگائے تو مسلم لیگ ن کے کارکنوں اور حامیوں نے ردعمل کا اظہار کیا اور جوابی نعرے لگائے۔

جب مریم نواز لندن پہنچیں تو پی ٹی آئی کارکنان ہیتھرو میں ان کی آمد پر احتجاج کرنے کے لیے جمع ہوئے تھے جبکہ ان کی رہائش گاہ کے باہربھی احتجاج کیا اور نعرے لگائے-

پرویز الہی کی عمران خان کو وزارت اعلی سے مستعفٰی ہونے کی دھمکی