پی ٹی آئی کو ملی کراچی میں اہم کامیابی

0
29

پی ٹی آئی کو ملی کراچی میں اہم کامیابی

باغی ٹی وی : ایم کیو ایم پاکستان کے سابق سینیٹر مولانا تنویر الحق تھانوی نے باقاعدہ پی ٹی آئی میں شمولیت اختیار کرلی۔

پی ٹی آئی رکن سندھ اسمبلی خرم شیرزمان کاکہناتھا کہ مولاناتنویر الحق تھانوی کے شکر گزار ہیں انہوں نے پی ٹی آئی میں شمولیت اختیارکی ،ان کاکہناتھا کہ ڈالر کی قیمت نیچے آرہی ہے ،معیشت مضبوط ہو رہی ہے ،کورونا کے معاملات کو جس طرح وزیراعظم نے سنبھالا ہے اس کی مثال نہیں ملتی ۔

مولانا تنویر الحق تھانوی کا کہنا تھا کہ اللہ نے عمران خان کو کرپشن سے پاک رکھا، اور سب سے بڑی بات کہ انہوں نے اقوامِ متحدہ میں ناموسِ رسالت کے لئے آواز اٹھائی، عمران خان ایک قدم اٹھائیں گے ہم دو تین قدم بڑھائیں گے، پاکستان کو ریاست مدینہ بنانے میں پی ٹی آئی کے ساتھ کھڑا ہوں گا۔

واضح رہے کہ مولانا تنویر الحق ایم کیو ایم کے سابق سینیٹر رہ چکے ہیں، انہوں نے 2018 میں لیگی رہنما مشاہد حسن کے ساتھ ملاقات کے بعد مسلم لیگ (ن) میں شمولیت اختیار کرلی تھی، اور کہا تھا کہ ایم کیو ایم سے اختلاف کی وجہ سے مسلم لیگ میں شمولیت اختیار نہیں کی بلکہ قومی سطح پر سیاست کا حصہ بننا چاہتا ہوں۔

Leave a reply