تحریک انصاف نے جنوبی پنجاب کے مختلف اضلاع سے تعلق رکھنے والے 22 ارکان کو پارٹی سے نکال دیا ہے پی ٹی آئی کی جانب سے جاری نوٹیفکیشن کے مطابق سابق وزیراعلیٰ پنجاب عثمان بزدار اور خسرو بختیار کو پارٹی سے نکال دیا گیا ہے جبکہ سردار محمد خان لغاری،جاوید اختر انصاری ،فاروق اعظم ملک کی بنیادی رکنیت بھی ختم کر دی گئی ہے ۔
محمد اختر ملک کوپارٹی پالیسی سے انحراف کرنے پر پارٹی سے فارغ کیا گیا، جبکہ سید محمد ندیم شاہ، اہتشام الحق، بہاول خان عباسی، سبین گل کو بھی پی ٹی آئی سے نکال دیا گیا ہے۔ نوٹیفکیشن کے مطابق میاں شفیع محمد، محمد اصغر شاہ، میاں طارق عبداللہ اور محمد افضل کی بھی بنیادی رکنیت ختم کی گئی ہے علاوہ ازیں احسن الحق، سلیم اختر، محمد ظہیر الدین خان علیزائی اور سلمان خان گدوکا کو بھی پی ٹی آئی سے نکال دیا گیا ہے۔
مزید یہ بھی پڑھیں؛
190 ملین پاؤنڈ،ڈیم فنڈ کی تفصیلات دی جائیں، مبشر لقمان کا سپریم کورٹ کو خط
لسبیلہ ہیلی کاپٹر حادثے کو ایک سال،وزیراعظم کا شہداء کو خراج تحسین
سویڈن پولیس نے ایک بار پھر قرآن پاک کی بے حرمتی کی اجازت دے دی
چیئرمین پی ٹی آئی نے اپنے ریکارڈ کروائے گئے 342 کے بیان پر دستخط کردیئے
تاہم اس حوالے سے تحریک انصاف کے سیکرٹری جنرل عمر ایوب نےباضابطہ نوٹیفکیشن بھی جاری کیا ہے جس کے مطابق تمام ارکان کی پاکستان تحریک انصاف سے رکنیت فوری طور پر ختم کر دی گئی ہے، تحریک انصاف نے پارٹی کا نام، عہدہ اور رکنیت کا استعمال کرنے سے روک دیاگیا ہے، خلاف ورزی کرنے والوں کیخلاف قانونی کاروائی کی جائے گی۔
