چیئرمین تحریک انصاف عمران خان پنجاب کے خزانے پر بوجھ بننے لگے ہیں

پنجاب حکومت عمران خان کی سیکیورٹی پر ماہانہ 10 کروڑ روپے سے زائد برداشت کرے گی.

پنجاب حکومت عمران خان کی سیکیورٹی پر ماہانہ 10 کروڑ روپے سے زائد برداشت کرے گی جبکہ زمان پارک پر تعینات 516 اہلکاروں کی ڈیوٹی بھی 12 گھنٹے کر دی گئی. پنجاب حکومت چیئرمین پی ٹی آئی عمران خان کی لاہور رہائش گاہ زمان پارک کی سیکیورٹی کے نام پر ماہانہ دس کروڑروپے سے زائد کا خرچہ برداشت کرے گی۔

چیئرمین تحریک انصاف عمران خان پنجاب کے خزانے پر بوجھ بننے لگے ہیں، کیوں کہ لاکھوں شہریوں کی سکیورٹی فرد واحد پر لگا دی گئی ہے۔ عمران خان کی لاہور میں زمان پارک کی رہائشگاہ پر سیکیورٹی کے نام پر پنجاب حکومت ماہانہ 10 کروڑروپے سے زائد کا خرچہ برداشت کرے گی۔ لاہورمیں عمران خان کی رہائش گاہ پر خیبرپختونخوا پولیس ، لاہور پولیس سمیت دیگراداروں کے سیکڑوں ملازمین مامور ہیں، جب کہ زمان پارک پر تعینات پانچ سو سولہ اہلکاروں کی ڈیوٹی بھی بارہ گھنٹے کر دی گئی ہے، جن کے لیے واش رومز اور کھانے پینے کا کوئی انتظام نہیں ہے۔
مزید یہ بھی پڑھیں؛ سیالکوٹ کے بنے فٹبال فیفا ورلڈ کپ میں استعمال ہوں گے
سونے کی آسمان کو چھوتی قیمتیں؛ غریب کیلئے شادی اب ایک خواب بن گئی
سعودی عرب کا پاکستان کے ساتھ آئی ٹی اور کمیونیکیشن میں تعاون کا عزم
پی ٹی آئی لانگ مارچ؛ راولپنڈی ڈویژن میں 10 ہزار اہلکار ڈیوٹی دیں گے

عمران خان کی زمان پارک کی رہائش گاہ کی بم پروف دیوار اور کنٹرول روم کےعلاوہ مورچہ بندی پر ماہانہ دس کروڑ روپے کے اخراجات کا تخمینہ لگایا گیا ہے۔ پولیس پاپولیشن ریشو کے مطابق ایک کانسٹیبل 450 شہریوں کی حفاظت کا ذمہ دار ہے، یوں زمان پارک میں تعینات 516 اہلکار دو لاکھ 32 ہزار 200 شہریوں کا تحفظ چھوڑ کر چیئرمین پی ٹی آئی کی سکیورٹی پر تعینات کردیے گئے ہیں۔