لاہور:شاہ محمود قریشی نو مئی مقدمے میں گرفتار

لاہورپولیس نے تحریک انصاف کے وائس چیئرمین شاہ محمود قریشی کو گرفتارکرلیا ۔ اڈیالہ جیل میں قید شاہ محمود قریشی کی نو مئی کے 8 مقدمات میں گرفتاری ڈالی گئی۔
تحریک انصاف کے رہنما شاہ محمود قریشی کو 9مئی کے 8مقدمات میں گرفتار کر لیا گیا،پولیس نے عدالت سے 3روزہ جسمانی ریمانڈ بھی حاصل کرلیا۔لاہورپولیس کی خصوصی ٹیم شاہ محمود قریشی کو گرفتار کرنے اڈیالہ جیل پہنچی ۔تفتیشی ٹیم نے عدالت سےملزم شاہ محمود قریشی کو لاہورمنتقل کرنے کی اجازت مانگی۔ عدالت نے سکیورٹی خدشات کےباعث شاہ محمود قریشی کو لاہورمنتقل کرنے سے منع کردیا۔
تفتیشی ٹیم کی استدعا پرمعزز جج نے شاہ محمود قریشی کا تین روزہ جسمانی ریمانڈ منظور کرلیا۔ لاہورپولیس کی ٹیم نے ملزم شاہ محمود قریشی سےاڈیالہ جیل میں ہی بیان ریکارڈ کیا۔ شاہ محمود قریشی ویڈیو لنک کےذریعے انسداد دہشتگردی کی عدالت میں پیش ہونگے۔