شمالی وزیرستان پاک فوج پر حملہ ، پی ٹی ایم نے ذمہ داری قبول کرلی

اباخیل : شمالی وزیرستان ابا خیل کے علاقے میں پاک فوج کے جوانوں پر دہشت گردانہ حملہ پاکستان دشمن ، بھارت اور افغانستان کی حمایت یافتہ دہشت گرد تنظیم پی ٹی ایم نے کیا ، شمالی وزیرستان: شمالی وزیرستان کے علاقہ اباخیل میں دہشت گردوں کی فائرنگ سے پاک فوج کا جوان شہید اور ایک زخمی، جوابی کاروائی کے دوران پی ٹی ایم کے دو دہشت گرد ہلاک ہوگئے ہیں،

باغی ٹی وی کے مطابق گزشتہ رات شمالی وزیرستان میں اباخیل اور سپین وام میں پاک فوج کی پٹرولنگ پارٹی معمول کے گشت پر تھی،پارٹی جب ابا خیل کے قریب پہنچی تو ان پر گھات لگائے پی ٹی ایم کے دہشت گردوں نے حملہ کر دیا۔ فائرنگ کے تبادلے میں دو حملہ آوار ہلاک اور ایک سپاہی اختر شہید ہوگیا، جبکہ ایک سپاہی زخمی بھی ہوا ہے۔

https://twitter.com/PaasoonOfficial/status/1172823816944402432

شمالی وزیرستان سے باغی ٹی وی کو موصول ہونے والی معلومات کےمطابق پی ٹی ایم کی طرف سے اس حملے کے دوران فوجیوں نے چیخ چیخ کا بتایا بھی کہ ہم فوجی ہیں آپ لوگ کون ہیں اور کیوں فائرنگ کر رہے ہیں؟ لیکن فائرنگ جاری رہی،فوج نے جوابی فائرنگ کی تو ان کے دو بندے ہلاک ہوئے۔فوج نے علاقے کا محاصرہ کر لیا لیکن گاؤں کے اندر نہیں گئی۔

باغی ٹی وی کے مطابق پی ٹی ایم نے شہید ہونے والی فوجی کی لاش کی خوب بے حرمتی کی اور اس کی ویڈیو بھی بنائی،ہلاک ہونے والے پی ٹی ایم کے سرگرم کارکن بتائے جاتے ہیں اور پاک فوج اور پاکستان مخالف سرگرمیوں میں بڑھ چڑھ کر حصہ لیتے تھے۔واقعہ ہوتے ہی پی ٹی ایم کے تمام سوشل میڈیا اکاؤنٹس سے پاک فوج کو ٹارگٹ کلرزقرار دے کر ڈھنڈورا شروع کر دیا گیا۔

دوسری طرف علاقہ عمائدین کا کہنا ہے کہ پاک فوج ہماری حفاظت کیلئے رات کو گشت کرتی ہے، پی ٹی ایم نے کس بنیاد پر فوجیوں پر حملہ کیا،یاد رہے باقاعدہ طور پر پی ٹی ایم نے پہلی بار اس حملےکی ذمہ داری قبول کی ہے اور فخر سے شہید ہونے والی فوجی کی تصاویر شیر کر کے بتا رہی ہے کہ باقیوں کا بھی یہی انجام ہوگا۔