اسلام آباد:وعدے کے مطابق وزیراعظم پاکستان عمران خان نے پی ٹی وی کو مکمل آزاد ادارہ بنانے کے اقدامات کردیئے ہیں، اطلاعات کے مطابق وزیراعظم عمران خان نے پاکستان ٹیلی ویژن میں وزارت اطلاعات کی مداخلت مکمل طورپرختم کرنےکافیصلہ کرلیا ہے۔اجلاس میں پی ٹی وی اور شالیمار براڈکاسٹنگ بورڈآف ڈائریکٹرز کو ضم کرنےکافیصلہ کرتے ہوئے طے کیا گیا کہ پی ٹی وی کے بورڈ آف ڈائریکٹرز کو پی سی بی طرز پر بنایاجائےگا۔
ہسپتالوں میں مریض،سڑکوں پرمسافررسوا:حق دیتے نہیں مانگتے ہیں یہ نام نہاد مسیحا
تفصیلات کے مطابق وزیراعظم عمران خان کی زیر صدارت پی ٹی وی، ریڈیوپاکستان اور شالیمار براڈکاسٹنگ کا ایک اجلاس منعقد ہوا جس میں وزارت اطلاعات کی ان اداروں میں مداخلت مکمل طورپر ختم کرنے کا فیصلہ کیا گیا۔ سرکاری ٹی وی سےمتعلق وزارت اطلاعات کےاختیارات محدود کردیئےگئے اور ادارے میں فیصلوں کامکمل اختیارپی ٹی وی بورڈ کو دے دیا گیا۔
اردوکے شہر میں انگریزی کا راج—از…..فا طمہ قمر
اجلاس میں فیصلہ کیا گیا کہ وزارت اطلاعات کوپی ٹی وی بورڈکےفیصلوں پرنظرثانی کااختیارنہیں ہوگا اور نہ ہی وزارت اطلاعات پی ٹی وی کے انتظامی ومالی معاملات میں مداخلت کرے گی۔یہ بھی فیصلہ ہوا کہ وزارت اطلاعات صرف پی ٹی وی کوپالیسی اور ایڈیٹوریل گائیڈلائن دےگا جب کہ چیئرمین یا ایم ڈی پی ٹی وی بورڈفیصلوں پرکوئی اجلاس نہیں بلاسکیں گے۔
