سینئر اداکار عرفان کھوسٹ نے اپنے حالیہ انٹرویو میںکہا ہے کہ ہم نے پی ٹی وی کا وہ دور دیکھا ہے جب ڈرامہ لگنا ہوتا تھا تو سڑکیں اور شاہراہیں سنسان ہوجایا کرتی تھیں. اس کے بعد ایک ایسا وقت بھی آیا کہ پی ٹی وی نے ڈرامے بنانا ہی بند کر دئیے. انہوں نے کہا کہ جس طرح فلم انڈسٹری کو فلم والوں نے تباہ کیا اسی طرح سے پی ٹی وی کو اسکے اپنوں نے اس نہج پر پہنچا دیا ہے کہ آج وہاں ایک ڈرامہ نہیں بن رہا. عرفان کھوسٹ نے مزید کہا کہ آج یہ عالم ہے کہ کوئی بھی پی ٹی وی کے لئے اپنا کام چھوڑ کر آنے کو تیار نہیں ہو گا، کیونکہ اب حالات ہی ایسے بن گئے ہیں کہ کوئی پی ٹی وی میں آکر کام کرنے کو تیار نہیں ہے.
انہوں نے کہا کہ” ابھی بھی وقت ہے پی ٹی وی کو بہتر کر لیا جائے اور اسکو اسکے اپنے ہی بچائیں” ، یہاں بھی رونقیں بحال ہو سکتی ہیں. انہوں نے کہا کہ ایسے ایسے شاہکار ڈرامے پی ٹی وی نے بنائے جو کہ آج بھی اپی مثال آپ ہیں یہ سلسلہ دوبارہ شروع کیا جا سکتا ہے اگر چاہیں تو.
