لاہور:تیز گام ریل حادثے میں جہاں بڑی تعداد میں مسافر جانبحق ہوئے ہیں وہاں اس سے زیادہ مسافربہت زیادہ جل گئے ہیں ، ان جھلسے ہوئے جلے ہوئے مسافر مریضوں کے لیے ہسپتالوں میں گنجائش کم پڑگئی ہے، اسی صورت حال کو سامنے رکھتے ہوئے محکمہ صحت حکومت پنجاب نے صوبے کے اہم ہسپتالوں میں جھلسے ہوئے افراد کے لیے اسیشل بیڈز کی تفصیلات جاری کردی ہیں
ذرائع کے مطابق لاہور جناح ہسپتال منتقل کیا جارہا ہے جہاں اس قسم کے مریضو ں کے لیے بیڈز کی گنجائش 78 بیڈز ہیں ، سب سے زیادہ بیڈز لاہو رکے میو ہسپتال میں ہیں جہاں 95 مریضوں کا ایک وقت میں علاج کیا جاسکتا ہے،اسی طرح لاہورجنرل ہسپتال میں 20 جبکہ شیخ زید ہسپتال میں ایک وقت میں 10 جھلسے ہوئے مریضوں کا علاج کیا جاسکتا ہے
محکمہ صحت کی طرف سے جاری ہدایات میں کہا گیا ہےکہ الائیڈ ہسپتال فیصل آباد میں 55 بیڈز جلے ہوئے اورآگ سے جھلسے ہوئے مریضوں کے علاج کے لیے مخصوص ہیں ، اس کے ساتھ ساتھ جنوبی پنجاب میں نشتر ہسپتال ملتان میں 65 افراد کی گنجائش ہے، جہاں اس قسم کے مریضوں کا علاج معالجہ کیا جاتاہے