نابینا افراد سے شہبازحکومت کے وعدے بزدار حکومت نے پورے کردیئے
لاہور:نابینا افراد کی قسمت بھی جاگ اٹھی ، سابق پنجاب حکومت جس کے وزیراعلیٰ میاں شہباز شریف تھے نے جو نابیناافراد کو نوکریاں دینے کے وعدے کیے تھے وہ وعدے بزدار حکومت نے پورے کرنے کا اعلان کردیا ہے، نابینا افراد کا احتجاج رنگ لے آیا، پنجاب حکومت نے تمام بینائی سے محروم افراد کو نوکریا ں دینے کا فیصلہ کرلیا۔
ذرائع کے مطابق نابینا افراد کے روزگار کے حوالےسے تفصیلات بتاتے ہوئے ایڈیشنل چیف سیکرٹری پنجاب کیپٹن (ر) اعجاز احمد جعفر کا کہنا ہے کہ حکومت پنجاب نے فیصلہ کیا ہے کہ تمام نابینا افراد کو نوکریاں دے دی جائیں , انہوں نے بتایا ہے کہ پنجاب میں نابینا افراد کی کئی آسامیاں خالی پڑی ہیں اور اب پنجاب میں کل نابینا افراد کی تعداد 48 ہے،حکومت انہیں جونیئر آسامیوں پر نوکریاں دےرہی ہےتاکہ ان کے مطالبات پورےہوسکیں۔
واضح رہے کہ گزشتہ کئی روز سے نابینا افراد نے مال روڈ پردھرنا دےرکھا ہےاور چیئرنگ کراس اور کلب چوک کو بلاک کر رکھا ہے، نابینا افراد کا مطالبہ ہے کہ جب تک انہیں ملازمتوں کے لیٹر نہیں مل جاتےوہ اپنا احتجاج جاری رکھیں گے۔دوسری طرف حکومت وفد نے نابینا افراد کو یقین دہانی کرائی ہےکہ اعتماد کریںان کو بہت جلد ملازمت کے لیٹرتھمادیئے جائیںگے
بنارس ہندو یونیورسٹی میں’مسلم پروفیسر‘ کی تقرری پر ہنگامہ، طلبا نے کیا احتجاجی مظاہرہ
